洪師父牛肉麵

营业中

休息中

星期日中午 大约12点嚟到，不需等位，入面仲有吉位，可以直接入。我哋坐靠门口的卡位，唯一唔好处就系出面商场走廊的行人可以直接望到我哋张枱，人来人往 咁，除咗畀人望实食啲乜之外， 出面等位嘅客人会企起你张枱隔离，冇遮冇挡咁直接望住你食嘢， 好似唔系太卫生。anyway坐落咗先体验到咁样，费事转位。 我哋点咗三样菜式，有炸鸡 ，猪耳 同埋红枣椰子鸡汤饭，个饭系配一碟菜，我哋拣咗 肉燥娃娃菜，仲另外加 一杯饮品冻柠乐。 上菜系有少少慢嘅 ， 要畀啲耐性 。另外，原来个肉燥系有少少辣， 好在冇将佢捞喺啲菜度，如果唔食得辣嘅，就会成碟菜食唔到，浪费咗。 最好味系个汤饭个汤好重椰子味 ，三个人食咗217蚊都算几抵啦。