影片
更多
2024-05-13
7073 浏览
99生日佢拣咗呢度食饭庆祝生日🎂首先要讲嘅系佢嘅排队等位问题， 我同我先生都几嬲下 由开业至今佢都好多人排队，但系唔明白点解开业几个月仲系咁混乱🤔 明明入面有枱都唔肯畀人入根本唔知咩玩法😅 由六点几等到八点几先有得入座， 讲真如果唔系约咗佢我都应该会即刻就去食第二间唔会帮衬开头一定要齐人先可以安排入座，但系有啲又可以过半数到，已经可以安排入座，情况好混乱😵💫入咗座枱之后，又迫又细，张枱摆两碟嘢都无位，然后冷气到头吹，吹到头痛，系餐厅想开大啲冷气等客人觉得好吹头， 然后埋单走人，博嚟多两轮生意？？ 我明餐厅都有加装到啲档板，但系块挡板太细，根本微不足道挡唔到风🌬🌬🌬呢间食淮扬菜嘅餐厅都算中高价位嘅收费，但系服务水平同普通酒楼毫无分别 可能系我奄尖挑剔，我觉得比一般酒楼更加差，可能人手不足， 聘请太多炒散员工嘅关系。。。首先茶壶太细，倒三杯水已经无水， 揭起个茶壶盖超过15分钟都冇人冲水，放低嘢食或茶只手非常重手，亦都冇介绍呢啲系咩菜式或者比较新奇菜式嘅食法系点样，大力摆低就转头走🙄最过份嘅系个侍应问都唔问，就拉走人哋张凳， 张櫈暂时无人坐，唔代表张凳之后无人用，我真系好怀疑呢间餐厅除咗
首先要讲嘅系佢嘅排队等位问题， 我同我先生都几嬲下 由开业至今佢都好多人排队，但系唔明白点解开业几个月仲系咁混乱🤔 明明入面有枱都唔肯畀人入根本唔知咩玩法😅 由六点几等到八点几先有得入座， 讲真如果唔系约咗佢我都应该会即刻就去食第二间唔会帮衬
开头一定要齐人先可以安排入座，但系有啲又可以过半数到，已经可以安排入座，情况好混乱😵💫
入咗座枱之后，又迫又细，张枱摆两碟嘢都无位，然后冷气到头吹，吹到头痛，系餐厅想开大啲冷气等客人觉得好吹头， 然后埋单走人，博嚟多两轮生意？？ 我明餐厅都有加装到啲档板，但系块挡板太细，根本微不足道挡唔到风🌬🌬🌬
呢间食淮扬菜嘅餐厅都算中高价位嘅收费，但系服务水平同普通酒楼毫无分别 可能系我奄尖挑剔，我觉得比一般酒楼更加差，可能人手不足， 聘请太多炒散员工嘅关系。。。
首先茶壶太细，倒三杯水已经无水， 揭起个茶壶盖超过15分钟都冇人冲水，放低嘢食或茶只手非常重手，亦都冇介绍呢啲系咩菜式或者比较新奇菜式嘅食法系点样，大力摆低就转头走🙄最过份嘅系个侍应问都唔问，就拉走人哋张凳， 张櫈暂时无人坐，唔代表张凳之后无人用，我真系好怀疑呢间餐厅除咗门口个知客外，其他侍应应该系哑架🤫
间餐厅仲要不断地响喺度播啲上海怀旧老歌“我等着你回来。。。我等着你回来。。。” 好似阴风阵阵咁（ 冷气开得好大），加上客人好多，好嘈，好似招魂咁样， 根本完全听唔到隔离𠮶个人讲乜😅
究竟呢个点食呢🤔完全唔知
火腿夹包👉完全同屋企楼下面包店卖，五蚊一个火腿包冇分别
至于𠮶碗莲子就有小小酒酿嘅感觉😅小小酒味🍶小小甜
脆煎灌汤小笼包👉 我觉得小笼包有汁水，但唔够皮薄，食落完全唔脆完全feel唔到呢个小笼包有煎过
铁板灌汤生煎包同大上海牛肉饼👉都有共同嘅问题， 虽然汁水好多，但系肉馅唔够，食起嚟有啲生壳， 好似皮云皮馅云馅甘，同埋都煎得几窿下😅 其实条银丝卷喺另一边都有一半以上系窿嘅😅
呢个宋嫂鱼羹👉 同出面街嘅碗仔翅系冇分别😂😂 完全食唔到鱼嘅鲜甜味， 同埋唔知点解系酸嘅（ 因为之前喺其他舖头食过唔系咁，所以觉得有啲奇怪）
松鼠桂鱼👉 个孙甜味整得恰到好处， 酸酸甜甜好开胃 但系败笔系条鱼 唔知点解条鱼炸得唔通透，唔脆口，加上条鱼完全无鲜味，啲鱼肉系鞋口嘅，明显食材唔新鲜同埋overcook😪
如果你完全唔睇个menu📖系完全唔知呢度系咩嚟嘅，食落口甜甜地， 一夹就成堆配菜-葱😅
睇咗menu之后先发现系虾子葱烧海参，海参得过几旧但系成蝶嘢完全揾唔到虾子究竟啲虾子去咗边呢🤔真系要问下虾子游咗去边嗱😂 唔通佢孵化咗食为葱😅
成餐比较好食嘅就系呢个荔枝虾球同红烧牛肉面
荔枝虾球👉 造型好逼真，入面啲虾滑真系弹牙嘅
红烧牛肉面👉面质ok，未至于弹牙， 牛肉都算几淋，无揸
最后5个人12xx埋单💰我觉得Cp值唔高，如果行过完全唔使排队嘅可以一试，但系如果要排队嘅呢间嘢真系完全唔值🤬可以讲普通一间酒楼都好整得好食过佢🤭加上环境同服务都唔系太理想，我觉得比得呢个价钱，有更好同更多嘅选择
张贴
