影片
更多
2024-05-24
442 浏览
再一次到访大埔超级城的日式餐厅，每次都会有新惊喜🥰🥰🥰（10分为满分：🌕）味道：🌕🌕🌕🌕🌕🌕🌕🌖🌑🌑🌑鳗鱼玉子盖饭($108)以前黎食多数都会叫蛋包饭，因为系佢地既招牌菜，不过都食过好多次，所以今次就试下另一个主菜😆😆一上枱就已经比个鳗鱼吸引住，劲大条好似个碗都装唔晒咁，加埋劲厚身既玉子，再加埋珍珠米，我地两个都争住食呢碗🤫🤫香草牛油大蚬扁意粉($95)本身我地2个都好钟意食青口，见到呢个意粉就即刻叫左，青口份量比想像中多好多，大虾亦都好大只好爽口，加埋挂晒啲汁既意粉🍝，简直系停唔到一啖接一啖😋😋蒜香蕃茄煮青口锅配香草薯条($165)初头以为意粉系得好少青口，咁就叫埋呢个青口锅加薯条，点知个分量又系多得惊人🫨🫨无论系青口同薯条🍟不过略嫌薯条唔够热辣辣，如果可能比啲蛋黄酱/茄汁🥫点住食会再好啲😝😝角煮五花肉($78)小小一碗有两旧煮到好淋既五花肉，再加上煮得岩岩好既半熟蛋，劲好送饭😜系有日本家庭料理既感觉❤️❤️春日士多啤梨布丁盛合($112)呢个一上枱已经觉得可爱同靓到哗一声，只松鼠cookie劲得意🐿️佢有一个布甸加麻糬雪糕系上面，焦糖布甸味道劲好食，绵滑得黎又唔算好甜，加埋上面冻冰冰既麻
（10分为满分：🌕）
味道：🌕🌕🌕🌕🌕🌕🌕🌖🌑🌑🌑
鳗鱼玉子盖饭($108)
以前黎食多数都会叫蛋包饭，因为系佢地既招牌菜，不过都食过好多次，所以今次就试下另一个主菜😆😆一上枱就已经比个鳗鱼吸引住，劲大条好似个碗都装唔晒咁，加埋劲厚身既玉子，再加埋珍珠米，我地两个都争住食呢碗🤫🤫
香草牛油大蚬扁意粉($95)
本身我地2个都好钟意食青口，见到呢个意粉就即刻叫左，青口份量比想像中多好多，大虾亦都好大只好爽口，加埋挂晒啲汁既意粉🍝，简直系停唔到一啖接一啖😋😋
蒜香蕃茄煮青口锅配香草薯条($165)
初头以为意粉系得好少青口，咁就叫埋呢个青口锅加薯条，点知个分量又系多得惊人🫨🫨无论系青口同薯条🍟不过略嫌薯条唔够热辣辣，如果可能比啲蛋黄酱/茄汁🥫点住食会再好啲😝😝
角煮五花肉($78)
小小一碗有两旧煮到好淋既五花肉，再加上煮得岩岩好既半熟蛋，劲好送饭😜系有日本家庭料理既感觉❤️❤️
春日士多啤梨布丁盛合($112)
呢个一上枱已经觉得可爱同靓到哗一声，只松鼠cookie劲得意🐿️佢有一个布甸加麻糬雪糕系上面，焦糖布甸味道劲好食，绵滑得黎又唔算好甜，加埋上面冻冰冰既麻糬雪糕一啖食落去劲满足😌另外，朱古力卷蛋都劲重朱古力味，入面既cream完全唔漏，加埋旁边仲有好多士多啤梨🍓呢个盛合系比人一种幸福既感觉🥰
夏日海洋梳打($48)
呢个卖相好吸引，蓝色系夏天既感觉，不过略为有啲啲甜，但波子汽水既味道系好饮既😋😋😋
抹茶麻糬沙冰($52)
呢个有惊喜，抹茶味道好浓，而家上面既麻糬好烟韧软绵绵，加埋傍有一层抹茶奶盖/Cream Cheese既系麻糬底，个一层超好味🤤
价钱：🌕🌕🌕🌕🌕🌕🌕🌑🌑🌑
食物单价黎讲品算话最平，但我觉得佢份量就完全对得住佢既价钱，而家好多地方都未必做到呢样，再加上个日有限时优优全单优惠8折，就成件事超级抵，不过优惠应该不定时，大家经过可以去碰碰运气🤩🤩
交通：🌕🌕🌕🌕🌕🌕🌕🌑🌑🌑
大埔中心真系未必个个会成日去，但住系大埔既人就会系必去，而且老实讲大埔超级城真系冇咩特别好食，经过真系不纺可以试下呢间❤️记得多层停车场先有免费泊车优惠，A-D区停车场就头一个钟免费🤫不过一个钟泊车都系17蚊算好抵架😜
环境：🌕🌕🌕🌕🌕🌕🌕🌕🌑🌑
佢既门口其实劲吸引，木系既设计，再加上有一棵大树，下面放满唔同既猫猫精品🐱可以比人买x而家入面啲枱櫈都好有日系昭和既风格，再加埋精致既食物摆盘，超级岩情侣/闺蜜👭去打卡🥰🥰🥰
性价比：🌕🌕🌕🌕🌕🌕🌕🌖🌑🌑🌑
间唔时食下呢啲特色餐厅都唔错，食物份量算系多，价钱大概系cafe水平，个日都见好多情侣拍拖食饭，打卡一流😆不过上菜速度有少少慢，要预番多啲时间😜
吃茶ちょうぼ
大埔安邦路8-10号大埔超级城B区2楼276号舖
张贴
