影片
更多
2024-06-27
3937 浏览
今日食咗6款肉，最最最特别系大判烧黑毛和牛西冷$178，大大块，油脂分布平均，服务员询问完我哋对生熟程度的喜好后，三两下手势就将块靓牛烧到啱啱好，配上生蛋黄及酱汁，大大块好惹味真系高级享受！其余的肉款就由自己动手烧，有黑毛和牛裹腹小排$188、腹前小排$118、黑毛豚毛骨小排$88、黑毛豚胫肉$88、若鸡鸡胫柳$80，全部肉类都切得好靓，肉质好新鲜、好干净！加上呢度嘅烧烤网格特别粗，而且系平面，餐厅额外附上牛脂以润滑烧烤网，烧出嚟嘅肉唔会黐底，更加容易保留肉汁，可以完完整整享受到烤到微微金黄嘅一口靓肉，成餐饭都冇换过一个网，真系不得不赞餐厅嘅细心！食客嘅享受再提升一个层次！另外我哋仲叫咗一份牛舌$98，加咗葱花口感丰富咗，食落增添咗香气，顺带一提，连葱花都好新鲜，超级赞赏！最后我哋仲食咗二人前的Kakura冷面$72，汤汁酸酸甜甜，拌上鸡蛋青瓜泡菜等，好清新、清爽，几适合烧烤之后食，大大碗好满足！饮品方面，我哋饮咗青森苹果乳酸梳打、白桃乳酸梳打，两杯都几好味，满意！最后侍应送上免费甜品，我哋每人都食到一个杏汁味的奶冻，上面仲有一粒杞子，超级超级香浓好食！仲有一个雪糕糯米糍，软糯香甜，真
今日食咗6款肉，最最最特别系大判烧黑毛和牛西冷$178，大大块，油脂分布平均，服务员询问完我哋对生熟程度的喜好后，三两下手势就将块靓牛烧到啱啱好，配上生蛋黄及酱汁，大大块好惹味真系高级享受！
其余的肉款就由自己动手烧，有黑毛和牛裹腹小排$188、腹前小排$118、黑毛豚毛骨小排$88、黑毛豚胫肉$88、若鸡鸡胫柳$80，全部肉类都切得好靓，肉质好新鲜、好干净！加上呢度嘅烧烤网格特别粗，而且系平面，餐厅额外附上牛脂以润滑烧烤网，烧出嚟嘅肉唔会黐底，更加容易保留肉汁，可以完完整整享受到烤到微微金黄嘅一口靓肉，成餐饭都冇换过一个网，真系不得不赞餐厅嘅细心！食客嘅享受再提升一个层次！
另外我哋仲叫咗一份牛舌$98，加咗葱花口感丰富咗，食落增添咗香气，顺带一提，连葱花都好新鲜，超级赞赏！
最后我哋仲食咗二人前的Kakura冷面$72，汤汁酸酸甜甜，拌上鸡蛋青瓜泡菜等，好清新、清爽，几适合烧烤之后食，大大碗好满足！
饮品方面，我哋饮咗青森苹果乳酸梳打、白桃乳酸梳打，两杯都几好味，满意！
最后侍应送上免费甜品，我哋每人都食到一个杏汁味的奶冻，上面仲有一粒杞子，超级超级香浓好食！仲有一个雪糕糯米糍，软糯香甜，真系好惊喜！
总结Yakiniku Kakura的沙田分店，环境干净、食材新鲜好味、服务员有礼诚恳又专业，值得获得最高评价！
张贴
