台北倆伴

营业中

休息中

今日放工去咗大围站嘅「围方」行街，行咗一阵肚仔饿就揾下午茶食，见到间台湾嘢「台北俩伴」好多人排队，就入去试吓。大肠面线拼淡水焢肉刈包 $52呢碗大肠面线唔会好糊口，味道唔会超级重，面线份量足够，大肠都无苏味。焢肉刈包有一旧五花肉，配上酸菜，中和咗五花肉嘅腻，包都好软熟，整个配搭非常好。盐酥鸡肉松卤肉饭 配紫菜贡丸汤及地瓜酥 $62盐酥鸡味道啱啱好，唔会太咸，外脆内软又多汁，令我谂起台湾嘅味道。卤肉饭配上肉松好好味，如果可以再多啲汁就会更加美味。跟餐 芋香珍珠奶茶 $12呢杯饮品叫咗小甜，所以甜度啱啱好，有淡淡嘅芋香香味，珍珠都好有口感，唔会好腍。跟餐 大甲芋头芋圆鲜奶 $18鲜奶好香，搅匀咗之后每一啖都有芋头碎，间唔中啜到粒芋圆都几烟靭。古早烤台湾香肠 $56好钟意食台湾香肠，所以喺香港食亲台湾嘢都一定会叫，今次嘅香肠煎得都算几香，配上生蒜头，提高咗香肠嘅香味。食到最后唔够蒜头T.T。彰化花雕鸡卷 $62好香嘅花雕味，食落都有少少酒味，我唔饮酒都觉得好好味，鸡卷都唔会好谐霎霎，$62有成6旧系有惊喜嘅。餐厅嘅侍应全部都好和善，有礼貌，食嘢都食得特别开心。