新泰東南亞餐廳 (馬鞍山廣場)

营业中

休息中

是日年初三，午餐时段嚟到马鞍山广场，之前食过呢间餐厅嘅晚市都唔错，见到佢做紧午市套餐，就坐低试吓。午市套餐有一人餐、二人餐同埋四人餐。今次我一个人嚟，就叫咗一人餐。试吓泰式虾酱炒饭。虾酱炒饭比较油腻，不过味道都算唔错嘅。宜家午市套餐$75（另收加一）有埋餐饮，性价比唔错。餐饮我叫咗热奶茶，奶茶就麻麻哋啦，茶有啲涩。餐厅环境都算唔错，坐得都舒服嘅。服务态度方面，唔知系咪刚放完新年假，员工态度麻麻哋。明明都唔多客，宜家只系午市时段，都好似做到好攰好唔耐烦咁。