川酒舍 (嘉威大廈) (已結業)

平时返工咁大压力，放工嘅时候梗系想饮杯嘢轻松一下。但系又唔想净系饮酒，所以就揾咗依间位于尖沙咀加连威道嘅《川酒舍》。直接就叫左佢地嘅套餐极上之肉套餐+一杯Orion生啤$228第一次饮Orion生啤，原来佢地系黎自日本冲绳嘅品牌，黄金色嘅颜色好吸引，面头嘅泡沬顺滑，饮完好清爽。汁烧厚切牛舌厚切嘅牛舌好爽口，因为系汁烧关系，一啲都唔会干，食落仲有好多肉汁。汁烧鸡肉串鸡肉烧嘅时间啱啱好，鸡肉嫩滑，外层嘅鸡皮又香脆，好推介。盐烧鸡中翼相比鸡肉串，盐烧嘅鸡中翼外皮更加香脆，肉汁亦都比较多，盐烧汁烧就睇个人好味。京葱豚肉串豚肉好厚身，脂肪比例适中，肉质软腍又有肉香。京葱烧到好脆身，同豚肉都几夹。汁烧翠肉瓜翠肉瓜好脆又多汁，仲要好爽口。汁烧杏鲍菇多汁嘅杏鲍菇充满杏香，质感弹牙。杏鲍菇同翠玉瓜都烧得好好食💰人均228蚊一位如果唔想错过其他好餐厅嘅介绍，记得follow我呀😘多谢大家！！！