新森林焗之專門店 (英皇道) (已結業)

lunch时间周围都好多人，好彩我比较早放，可以唔驶等好耐位！呢度既冷气偏冻，可能我坐近风口位啦。冇办法已经开始多人，唯有快D食完食D走！呢度既职员服务十分快捷，一埋位就问食咩野，几乎唔比时间你谂咁。所以有选择困难症既人真系要谂左先入去，如果唔系就会比人问到好心急。我同朋友一人嗌左个饭同意粉，份量适中，刚刚好够饱。芝士蕃茄大胃王$46个卖相好好！芝士猪柳汉堡焗肉酱意粉$42肉酱多但系意粉少 ，薄薄一层咁。肉酱味道一般，茄汁味较淡，芝士味不浓。