影片
更多
2024-12-09
612 浏览
身为牛魔王嘅老公超级钟意食烧肉，尤其系和牛！所以今次我就带左老公去食呢间好有特色嘅烧肉店，因为呢到除左有超正嘅和牛，仲有超稀有嘅「4%の奇迹」之和牛！老公食完话真系无得弹，仲要价钱好抵！而且师傅得闲时仲会帮你烧Tim! 鞍下 Kurashita Set $288 🔸铸铁烧A5挽肉配兰王蛋煎到非常香口嘅A5挽肉，外层焦香微脆而内里肉汁超丰富！配搭浓郁香甜酱汁同兰王蛋捞匀一齐食，肉味同蛋香味完美融合，配饭食一流啊！🔸黑毛和牛极上牛舌芯极上牛舌芯爽口弹牙，烧30秒就岩岩好，师傅仲会烧一烧佢个配菜，系似姜蓉咁嘅调味配菜， 夹住爽弹嘅牛舌芯食好惹味！🔸黑毛和牛脷底肉呢款和牛脷底肉真系未见过有其他地方有得食！真系好特别，口感系比牛舌芯再爽口啲！🔸A5萨摩牛极上赤身肉🔸A5萨摩牛稀有部位A5萨摩牛基本上唔使讲都知好正，先由无咁重油脂食起，所以食左赤身先。赤身嘅油脂无咁重，好重肉味，虽然话油脂唔重，但其实都系入口即化！系一款油香同肉味平衡嘅上等和牛！之后紧系要食个稀有和牛部位！呢款嘅油脂明显重好多，但估唔到肉味一样都浓！唔同嘅系入口更加即化，牛嘅油脂系口内爆发！系上上品！🔸「4%の奇迹」霜降肉🔸「4%
鞍下 Kurashita Set $288
🔸铸铁烧A5挽肉配兰王蛋
煎到非常香口嘅A5挽肉，外层焦香微脆而内里肉汁超丰富！配搭浓郁香甜酱汁同兰王蛋捞匀一齐食，肉味同蛋香味完美融合，配饭食一流啊！
🔸黑毛和牛极上牛舌芯
极上牛舌芯爽口弹牙，烧30秒就岩岩好，师傅仲会烧一烧佢个配菜，系似姜蓉咁嘅调味配菜， 夹住爽弹嘅牛舌芯食好惹味！
🔸黑毛和牛脷底肉
呢款和牛脷底肉真系未见过有其他地方有得食！真系好特别，口感系比牛舌芯再爽口啲！
🔸A5萨摩牛极上赤身肉
🔸A5萨摩牛稀有部位
A5萨摩牛基本上唔使讲都知好正，先由无咁重油脂食起，所以食左赤身先。赤身嘅油脂无咁重，好重肉味，虽然话油脂唔重，但其实都系入口即化！系一款油香同肉味平衡嘅上等和牛！之后紧系要食个稀有和牛部位！呢款嘅油脂明显重好多，但估唔到肉味一样都浓！唔同嘅系入口更加即化，牛嘅油脂系口内爆发！系上上品！
🔸「4%の奇迹」霜降肉
🔸「4%の奇迹」牛肋肉
个油花系靓到好似艺术品咁，拎嚟欣赏真系唔舍得食！同咁高级嘅和牛其实可以烧熟啲，8-9成熟都无问题，反而烧熟嘅会迫到啲油脂香出嚟同靓和牛系唔会熟到韧。
霜降肉烧完之后，啲油脂肉汁系一滴一滴咁滴出嚟，仲好有焦香。食落口简直系味蕾冲激！好似食紧大拖罗嘅感觉，焦香嘅油脂同肉味系顶级！牛肋肉质会紧致一啲同肉味会多啲，但果种油花又系不得了！
🔸厚切白豚腩烧肉片
厚切白豚肉烧完会剪开一半，细细粒容易食。猪腩位置嘅脂肪位烧到好香，猪肉味浓同有咬口但唔韧。
🔸京畿道柚子嫩鸡腿
鸡腿肉嫩滑多汁，用柚子酱汁腌制过后，令鸡肉有淡淡嘅香甜柚子味！
🔸辛口味噌渍牛肠
我哋都系第一次食牛肠，比想像中好食！口感Q弹软嫩，加咗辣味嘅味噌调味，越食越惹味！
+49寿喜烧风A5和牛丼
+$49香葱温泉玉子紫菜饭
+$99 即享半放题：Suntory生啤及有汽饮品任饮；抹茶雪糕、厚切白豚腩烧肉片、京畿道柚子嫩鸡腿、辛口味噌牛肠任食
张贴
