影片
港铁尖沙咀/尖東站 B2 出口, 步行约4分钟
继续阅读
电话号码
30189987
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
有关奖赏计划
📍#鞍下熟成肉登登~ 聖誕唔知食咩好?比我搵到間高質抵食既燒肉店，位於尖沙咀既小店，從日本空運到港既和牛呢到有得食，推薦食Kurashita Course，先等於平時食放題既價錢，但同時享受到高質食材～～✧ Kurashita Course $288/1PP✧ ✧ 是日漬物漬物有泡菜同蘿蔔，一個酸酸甜甜，一個酸酸辣辣，好開胃~✧黑毛和牛極上牛舌芯牛舌芯以蒜粒同鹽作為主調味，油脂比舌根少，肉質較為軟嫩，鮮脆且多汁。✧黑毛和牛脷底肉係一個較稀有的部位，肉質爽口彈牙，配上店家自製京蔥，好香口惹味。✧ A5薩摩牛極上赤身肉LESS IS MORE系列，燒到五成熟已經足夠，口感柔軟，每一口都散發出淡淡奶油香。✧A5薩摩牛稀有部4％の奇蹟 - 牛肋肉 能同時品嚐到肉的鮮味與脂肪的美味，相對唔會太油膩既朋友，食呢個係不二之選。✧A5薩摩牛稀有部4％の奇蹟 - 霜降肉每一塊既油脂分佈都好似雪花咁佈滿，油脂紋路分布細小均勻，燒起上黎有好強烈嘅油香飄逸，入口即溶，超滿足！✧厚切白豚腩燒肉片呢款接近無調味，主要食豬肉原有味道，燒到脂肪部份有焦香味，食落又唔會太肥膩。✧京畿道柚子嫩雞腿日本既雞肉不嬲都嫩滑，加上柚子絲，令味道同口感都更加豐富。✧辛口味噲漬牛腸除左和牛出色，全場最有驚喜係呢個牛腸，好新鮮好好食，醃得剛剛好唔會得個辣字，本身牛腸鍋係日本都好出名，估唔到香港都食到咁好食既牛腸，呢個就真係ENCORE！✧鑄鐵焼きA5挽肉配蘭王蛋唔好睇落好普通，呢個漢堡扒可以送到２碗飯~漢堡扒由Ａ５和牛製成，牛味濃郁，鐵板上可以食到半生熟再加蘭王蛋蛋漿，呢個配搭真係令人食完一啖又一啖～✧北海道•特A級夢美人白飯（任食）咁多款美食真係要加多幾碗飯~黎自北海道架，米飯粒粒分明好飽滿！✧+$49 壽喜燒風A5和牛丼 / 香蔥溫泉玉子紫菜飯今次叫左各一款試下，店員會係爐上燒左一片壽喜燒風汁既A５和牛，再放係白飯上，再加上蘭王蛋， 勁淋勁好食可４個價錢係超值；另一碗香蔥溫泉玉子紫菜飯係必食既日本和風飯，麻油香同紫菜飯同蛋汁係絕配！✧ +$99 即享半放題：Suntory生啤及有汽飲品任飲；抹茶雪糕、厚切白豚腩燒肉片、京畿道柚子嫩雞腿、辛口味噲牛腸任食✧總結：CP值極高， 加加埋埋都係４百蚊左右一個人，任飲任食唔嬲～聖誕更加唔洗就住就住啦：)**另收加一服務費**୨୧┈┈┈┈┈┈┈┈┈┈┈┈┈┈┈┈┈┈୨୧📍 鞍下熟成肉🏠 尖沙咀金馬倫道29A號地舖#hkfoodstep#hkfoodstep尖沙咀#hkfoodstep燒肉#hkfoodstep日式#hkfood #hkfoodie #hkcouple#尖沙咀美食
继续阅读
時限90分鐘，$288套餐加$99半放題，4個人食，一開始2個女侍應唔錯，用心解釋同幫手燒肉。雖然有滴油係抽油煙機度滴左落件肉度，女侍應就咁用鉗抹左個滴黑油。最後到個男侍應燒，咩肉佢無講，換網但無好似女侍應咁用牛脂搽一搽個新網，佢又開勁大火，燒燶晒D肉，之後話換新肉比我地，新的肉明顯比之前的無咁靚。由於燒燶後無再換網，焦燶的舊肉又黐咗落啲新肉到。食完睇番menu，無比是日漬物，牛腸變左牛肚（無一早講明）50分鐘後就話last order，無比menu我地睇亦無提我地有雪糕。進食體驗唔愉快，完。
继续阅读
食物正常 冇話特別好食 員工燒肉過急 半小時內已經燒晒所有食物 通常正常餐廳飯係放喺最後 但這間餐廳為了令你食快啲 飯喺中間上 塊面食完就即刻幫你燒埋餘下的肉 食完成餐飯不足1小時 坐多陣經理都會望住你 冇事。好急要你就咁 令人體驗10分不愉快 $500至$600嘅價錢 喺台灣都可以食到相應嘅肉類 並不會讓你急住走 所以唔會食第二次 希望各位唔好中伏
继续阅读
朋友之前介紹我依間日式A5和牛燒肉 早排終於食到! 地段方便 好食仲要好抵食! 必須推薦比大家🤍Dinner Kurashita Course $288/位 巨多野食🤰🏻唔洗$300已經食到A5薩犘牛🥰仲有店員教埋你點燒先最好食~絕對獲得一個唔錯既用餐體驗🫶🏻黎緊倒數想食餐正既作年度收結都係一個好選擇Bookmark定黎緊情人節都可以食呀🥹🥹😎😎✿ 是日漬物 ✿漬物有泡菜同白蘿蔔 建議大家唔好咁快食晒住😏因為接下來有好多和牛要食 係好需要依d酸酸甜甜既野黎抵銷返d油膩感✿ 黑毛和牛極上牛舌芯 ✿以蒜同鹽作基本調味 牛舌芯比一般牛舌少筋 肉質軟嫩✿ 黑毛和牛脷底肉 ✿牛舌就食得多 咁稀有既脷底肉就未食過啦👅肉質彈牙 配上京蔥 口感極佳!✿ A5薩犘牛極上赤身肉 ✿店員建議5成熟就好 肉質粉嫩 牛味重 有陣陣牛油香😚 ✿ A5薩犘牛稀有部位 ✿今餐既重點係依個A5薩犘牛! 「4%の奇跡」霜降肉 油脂分布平均 入口即溶🥰「4%の奇跡」牛肋肉 需要燒得耐少少 等油睹溶化 比較有咬口 但不膩!✿ 厚切白豚腩燒肉片 ✿依個就冇咩調味 主要食豚肉本身既鮮味 有d似韓燒五花腩🐷建議放係爐邊慢慢燒至焦香香脆超惹味🔥✿ 京畿遁柚子嫩雞腿 ✿好嫩滑既雞肉 配上柚子絲好清新🌱✿ 辛口味噌漬牛腸 ✿非常出色既牛腸!!!! 冇任何內臟既腥味 用辛口味噌醃過 入味但唔會好辣 超驚喜~✿ 鑄鐵焼きA5挽肉 配 蘭王蛋 ✿近期熱話既挽肉係依度都食到~ A5和牛漢堡扒牛味濃郁煎至焦香之後再拌入蘭王蛋🥚OMG! 真係令人慾罷不能🤤🤤✿ 壽喜燒風A5和牛丼/香蔥溫泉玉子紫菜飯+$49 ✿本身個set已包白飯任食 但都係口痕改左兩個再惹味d既~店員席前燒一片壽喜燒A5和牛 再放係白飯上 餐廳選用日本米 粒粒飽滿 同燒肉汁係完美嘅結合😋香蔥溫泉玉子紫菜飯口感就更豐富👍🏻另外+$99 即享半放題 Suntory生啤及有汽飲品任飲抹茶雪糕、厚切白豚腩燒肉片、京畿道柚子嫩雞腿、辛口味噌牛腸任食 CP值極高💯
继续阅读
在聖誕節前和朋友相約在尖沙咀吃燒肉，我們不約而同都想到鞍下熟成肉。❈ 鞍下 Kurashita Set HK$288 是日漬物黑毛和牛極上牛舌芯黑毛和牛脷底肉A5薩摩牛極上赤身肉A5薩摩牛稀有部位「4%の奇跡」霜降肉「4%の奇跡」牛肋肉厚切白豚腩燒肉片京畿道柚子嫩雞腿辛口味噌漬牛腸鑄鐵焼きA5挽肉配蘭王蛋白飯任食抹茶雪糕套餐可享桌邊服務，可以輕輕鬆鬆吃到熱騰騰燒肉。主食的六款牛肉還有豚肉和雞肉，肉質及油脂分布各有不同，其中A5薩摩牛肉質特別嫩滑，燒牛脷底配上店家自製京蔥，非常惹味。雞肉嫩滑而且有淡淡柚子味。鑄鐵焼きA5挽肉也是店員在桌邊用鑄鐵鍋烹煮，挽肉混合蘭王蛋一起吃，味道更上一層樓。抹茶雪糕有濃郁抹茶味。❈ 蒜香A5和牛炊飯(二人前) HK$99 (加配價) 壽喜燒風A5和牛丼 HK$49 (加配價)熱騰騰的炊飯，即叫即製，煲底還有飯焦，建議加入挽肉一起吃更有口感。另外，整個和牛丼也是桌前準備，把燒好和牛放在白飯上再淋上壽喜燒汁加上蛋黃，又美又好吃。❈ 半放題：Suntory生啤及有汽飲品任飲 HK$99 (加配價) 燒肉配生啤👍🏻而且是一個價錢無限飲☆分類標籤#nuttylife
继续阅读