泰然 (長發廣場)

营业中

休息中

青衣有间抵食泰国嘢，𠮶日叫咗佢哋嘅$298二人餐，真系非常抵食！$298就可以喺指定嘅菜式拣三样菜。我拣咗泰式明炉乌头、泰式小食拼盘同鲜虾炒金边粉。泰式明炉乌头热辣辣，滚住食，配上泰式独特嘅调味料同香料，味道酸酸辣辣。泰式小食拼盘有鱼饼、鸡翼、炸虾饼同春卷。鱼饼煎得香。鸡翼炸得金黄酥脆有油香。炸虾饼香脆又几弹牙。炸春卷内里包著丰富嘅蔬菜馅。鲜虾炒金边粉系另一道精彩嘅菜式。金边粉酸酸地，配料有虾、鱿鱼、蚬肉等等。套餐加配饮品有半价优惠。泰式奶茶香浓的红茶配合浓郁的奶味，甜度刚好。另外，我又叫咗杯梳打水，清凉解渴，消食又开胃。二人餐真系抵食。下次再去青衣，一定会再黎呢间食泰国嘢！