壹碗麵 (已結業)

提起阔面，会不会第一时间想起意式阔面？其实北角都有港式阔面，全部都有2cm阔！而且午餐选择甚多，鸡牛猪鱼样样有齐，仲可以拣饭或面，照顾不同「饿底」所需。蒜香麻辣口水鸡2cm粗面 $70鸡同面分开上桌，面全部都系阔版，口感比意粉更Al Dente。麻辣口水鸡好香好麻好辣，鸡肉好滑。仲设有樽装麻辣酱，可以带返屋企慢慢叹。咸香鸡汤QQ面 $66重点系个鸡汤，好浓郁又好温和，忍唔住一口接一口。鸡同口水鸡一样，所以都好滑，QQ面好弹牙且带面香。溏心浸酒蛋 优惠价 $10因为太吸引，所以唔记得影相，下次补返。浓香蛋黄中带阵阵酒香，一定要叫呀！热罗汉果 跟餐送应该系自家制，味道唔会好甜，健康之选。咸柠雪碧 跟餐加$8最钟意原樽上的汽水，特别够汽，加埋咸柠檬，正！