影片
更多
2010-02-23
1 浏览
眨下眼又黎到第 400 篇，有时会好无心情好求其写，有时又会突然劲热衷，哈哈，真系奇怪。不过而家上Openrice睇又好写都好，都已经成为左我生活既一部份。今日系中环原本唔系想食呢间越式法包架，虽然佢都系我想食既店子之一，但又有D觉得好热气，想迟D先再黎试。点知黎到附近其他店子都无哂位，咁我又赶住返工，见呢到有位所以最后都黎左呢度啦。我企系门口已经见到大大个Openrice笑脸，原因系佢地入选左2010年Openrice既选择嘛，所以大大张Poster痴左系门口。跟住到我入去坐低，台面又有Table Stand又系Openrice，到处都系OR笑脸，唔知呢个笑脸有无成功为佢地宣传呢？入到去拎个menu睇下，望左阵就有个姐姐埋黎问我食咩，我见我一个人，唔想阻左人地D台，所以就「柄」埋一边，自己对住个窗慢慢食。呢度俾我既感觉好CAUSAL，即系无咩规矩咁，你钟意俾钱先又得，唔钟意食完再俾又得，佢都好似唔系好理你咁。佢有套餐选择，最后我就要了越式法包+小食+饮品，都系$50，都算抵食，始终系中环区㖞。我要了个越式特级法包 + 水晶虾卷 + 圆肉冰。姐姐很贴心问要不要辣椒和芫荽，我即刻耍手拧头
今日系中环原本唔系想食呢间越式法包架，虽然佢都系我想食既店子之一，但又有D觉得好热气，想迟D先再黎试。点知黎到附近其他店子都无哂位，咁我又赶住返工，见呢到有位所以最后都黎左呢度啦。
我企系门口已经见到大大个Openrice笑脸，原因系佢地入选左2010年Openrice既选择嘛，所以大大张Poster痴左系门口。跟住到我入去坐低，台面又有Table Stand又系Openrice，到处都系OR笑脸，唔知呢个笑脸有无成功为佢地宣传呢？入到去拎个menu睇下，望左阵就有个姐姐埋黎问我食咩，我见我一个人，唔想阻左人地D台，所以就「柄」埋一边，自己对住个窗慢慢食。呢度俾我既感觉好CAUSAL，即系无咩规矩咁，你钟意俾钱先又得，唔钟意食完再俾又得，佢都好似唔系好理你咁。
佢有套餐选择，最后我就要了越式法包+小食+饮品，都系$50，都算抵食，始终系中环区㖞。我要了个越式特级法包 + 水晶虾卷 + 圆肉冰。姐姐很贴心问要不要辣椒和芫荽，我即刻耍手拧头说不要呢。
饮品好快就来到了，送饮品来的是一个好SWEET的姐姐，超好笑容，应该唔系香港人，真系好钟意佢，因为佢笑容好靓又有礼貌，总之就系好Sweet sweet既感觉。圆肉冰开头饮觉得有d淡，但可能系我未搞均，饮下饮下慢慢越来越浓味，好香龙眼味，感觉好清新，而且佢仲有好多龙眼肉，粒粒都又大又甜好爽口，好喝!!!*** 不过搞笑既系我话要龙眼冰个个人问我要热定冻.... 乜冰都有热架咩？？
食物由于即叫即整，所以都要等颇长既时间先有得食。先来半份小食水晶虾卷，哗，摆得好靓，感觉好似去左D靓靓餐厅食野咁。而且份量都几多呀，不过佢只系俾只叉我，令我食起黎非常论尽，散到周围都系，最后发现应该一口食哂佢系最安全既选择。佢个酱汁酸酸地，加埋好清新好开胃。D虾好细只，但虾味好鲜好出，内里再附有扎肉，檬粉，萝卜丝等等，是不错的，不过佢仲加埋薄荷叶... 搞到我食到D牙膏味咁，同我屋企只牙膏味道劲似，哈哈!!! 俾我我会想唔要左D薄荷叶就好啦。
之后又再等，等左 8 分钟到，主角终于黎啦，用个篮子装住，非常整洁。唔好睇小呢个法包，我食完非常饱架。特级法包馅料有鹅肝酱，鸡肉松，咸猪手加埋扎肉。本身个包佢地就有牛油，萝卜青瓜丝再加自制酱料。法包外脆内软，又有面包香，加埋牛油同自家酱料既味道，好食。鹅肝够香，猪手亦好味，反而唔系好食到扎肉既味道。几种食物放入口真系味道感觉真系好有层次，味道唔会过咸，加埋酸酸既青瓜萝卜丝，真系好味!!! muah*** 食到尾食到少少蒜蓉，相信系佢自家酱料既材料之一。
呢间店子小小，不过客人几多，有唔少外国人客呢。而且很多人看到它的广告也停在店子门口研究一番，相信会越来越多客人呢。这里食物好吃(虽然真的慢了点点)，服务又好，难怪入选Openrice啦。吃完就满足的走了，希望下次来再可见到sweet sweet的送食物姐姐。第 400 篇就此报告完毕。=)))
张贴
