海雲天

营业中

休息中

原本怀著高兴嘅心情去食姊妹聚餐，因为疫情已经多月没有一齐聚一聚啦！ 有朋友推介话呢间酒楼地方阔落，静静地可以倾计，所以我哋就选咗喺度食。 虽然买一送一但都唔平，但谂著五星级酒店，就试试啦！ 食物质数同外观都尚算不错，但系份量实在太少。最好味就系𠮶只龙虾加伊面，其余𠮶啲就好像小食一样， 一啲饱肚感都冇。侍应招呼就同茶记一样，服务态度一啲都不是五星级水平。 或者佢觉得我哋系团购所以对我哋嘅态度比较差啦。 一开始就上汤，谂著慢慢食，但好快跟啲𩠌就逐一上枱，我哋其实都未食晒，但系成枱都系𩠌。又收晒我哋啲碗碟，佢话每一个𩠌都系独立分开上俾各人，问佢攞豉油同辣椒酱就好耐先至拎畀我哋， 上菜时唔系行埋你身放底，而系叫你喺对面接收碟菜。 最后上甜品，放底枱中间就走咗，碟同叉都无跟埋嚟，要我哋先有。叫加茶就叫咗几次先至有人理会，但酒楼入面只系得四张枱有客咋！最后仲要另外收加一服务，我谂如每人加多一嚿水就可以去食唔错嘅自助餐啦！ 实在中伏呀 ！！我唔会再俾机会依间酒楼，冇下次！