點心到 MIX·大排檔

营业中

休息中

$5茶位同埋加一，近旺角地铁站E2出口波鞋街附近，今日带阿妈嚟试一试。比起传统茶楼嚟讲其实就冇咁嘈都坐得几舒服，同埋最紧要性价比高。点心方面呢其实都几体贴，因为同阿妈两个人，虾饺烧卖佢都可以净系叫两粒一笼嘅，呢个真系要赞一赞，因为平时一笼四粒两个人真系食唔晒。仲有我最钟意食嘅鹌鹑蛋烧卖，唔系间间都有得食，真材实料啖啖肉。蒸包裹方面，个黑金流沙包真系一流，绝对留心，落口时小心流沙奶黄会热亲口。叉烧包都唔错其实佢个份量唔系太大粒，两个人都OK嘅。其实都几欣赏佢一啲酥点类，原本想叫榴梿酥，可能真系要早啲嚟卖晒噜。蚬蚧鲮鱼球，即叫即炸，上枱时仲要热辣辣，等一阵先食得。咸水角都非常出色。