影片
更多
2024-06-18
111 浏览
「广面子」原来系筲箕湾东大街远近驰名「安利大排档」嘅年轻副线，店内装修新颖，深蓝色同白色嘅瓷砖配搭令到成间舖头好有活力，好时尚。店内同安利大排档主打嘅菜式一样，招牌炸鱼皮、切腩、鱼蛋鱼片、鲜油奶多士等等，粉面款式多元化。午饭时段餐厅好旺场，店内座无虚席，出边仲有好多人排队，果然系老字号！试咗个招牌切腩鱼片河，切腩肥瘦啱啱好，唔会太韧，鱼片每日新鲜炸，有鱼肉嘅鲜味，冇多余嘅油炸味，好弹牙。河粉煮到好腍，吸收埋汤嘅精华，非常推介。如果钟意食辣嘅朋友，一定要加餐厅秘制嘅辣椒酱，用咗十几款材料炮制，第二度试唔到呢种香辣味，辣得嚟又唔会太抢口，盖过咗鱼片嘅鲜味。另外试咗炸鱼皮，鱼皮都系每日用黄鳝皮新鲜炸，脆卜卜，仲可以浸落汤再食。餐厅好贴心，⼀早用咗细纸袋pack好一袋袋鱼皮，方便客人外卖拎走。广面子 (湾仔)📍湾仔大王东街2-4号安兴大厦地舖
试咗个招牌切腩鱼片河，切腩肥瘦啱啱好，唔会太韧，鱼片每日新鲜炸，有鱼肉嘅鲜味，冇多余嘅油炸味，好弹牙。河粉煮到好腍，吸收埋汤嘅精华，非常推介。
如果钟意食辣嘅朋友，一定要加餐厅秘制嘅辣椒酱，用咗十几款材料炮制，第二度试唔到呢种香辣味，辣得嚟又唔会太抢口，盖过咗鱼片嘅鲜味。
另外试咗炸鱼皮，鱼皮都系每日用黄鳝皮新鲜炸，脆卜卜，仲可以浸落汤再食。餐厅好贴心，⼀早用咗细纸袋pack好一袋袋鱼皮，方便客人外卖拎走。
广面子 (湾仔)
📍湾仔大王东街2-4号安兴大厦地舖
张贴
