十二味 X Bamboo Bar (德己立街)

营业中

休息中

之前食过尖沙咀嘅分店，非常好味！今日经过中环突然醒起有分店，就决定入去试吓。条队唔算长，等咗5分钟左右，坐楼下。叫咗个水煮牛肉同埋素菜香锅…….等咗大约10分钟水煮牛同两碗饭到咗….水煮牛肉基本上只有三样嘢，汤底，牛肉，芽菜。芫荽葱都悭返，唔会话难食，但个厨师一定系冇心机整。食到一半就吹佢俾埋个香锅我哋……超大碟。所谓香锅香锅，梗系要香先至得，唔香嘅话就变咗系辣炒杂菜，同前面一样，唔系难食，只系个厨师将所有嘢兜埋一齐。价钱方面，喺中环来讲都算系合理嘅，亦都冇加10%，lunch包嘢饮同一个前菜，都算系咁啦！只可以话一间分店好食，唔好期待第二间分店都一样好食。就算第一间好食，唔代表下次返去都系同一个师傅。总结就系中环呢间我就唔会再返去，尖沙咀会再试。