富都餐廳

营业中

休息中

上星期日晚，19:16完成订单编号5596，包括一个炒饭、一个时菜排骨炒河、一个西兰花班片套餐、一个啫啫鸡煲套餐，总共四个。喺餐厅外面等到19:35，同负责落单同埋收钱位女士讲，套餐同炒粉面要分开包装，跟住就问我买咗啲乜嘢，又话冇晒河粉，于是唯有转炒面，跟住等到20:00再问出餐未，我要退返钱，又话就得等多阵，结果要到20:10先有，返到屋企之后，原来两个套餐无比白饭两碗，结果冇饭食，斋食𩠌。四个餐要等咁耐又咁多甩漏，我劝大家唔好帮衬，啲嘢食又咸，当晚唔止我一个等咁耐, 有位先生都系7:30pm落单，到八点都未有得攞。佢哋啲安排好奇怪，如果系一个餐就会好快，迟来先上岸，如果你叫三个餐以上，排到你发霉。