太子海鮮菜館

营业中

休息中

一行七人订左间房，因为房间有最低消费，所以叫左比较多𩠌。小食有醉猪手、炸金菇、胡麻沙律和虾多士，虾多士𠮶面包比较油，其他𠮶啲冇乜点试。主菜有琵琶鹅，外皮脆卜卜d肉厚得嚟肉汁又丰富，盘龙鳝，鳝身好粗好大条，𠮶汁又够味，送饭一流，菠萝拔丝咕噜肉，皮脆又大旧肉加上鲜菠萝，最好食系佢，烧鸡就一般正正常常，花椒东风螺和上汤番茄准山菜芯就冇试。甜品系焦糖炖蛋，话系名物，个人觉得试吓可以，但不叫也不是损失。埋单每人$430，都可以嘅。侍应明显人手不足，每次都要出去找人加水、换碟和追上菜，比较磨人。