豐味車仔麵

营业中

休息中

同朋友行完女人街，揾地方食嘢，见到间丰味车仔面，天气热冇乜胃口，入去食碗车仔面都好，见到佢个餐牌，除咗有港式车仔面，还有正宗重庆酸辣粉和招牌四川麻辣烫，天气热食啲酸辣味道嘅嘢就最好。入座后，见到枱上有个牌，写住餐厅做紧7周年活动，碗内有免费二字,该碗粉面就免费, 每日随机 送出十碗粉面。初时谂紧有冇咁好彩。当店员送上面食亦冇留意，但当我手机食先时，就见到免费两个字，我同朋友讲原来真系有免费，全日有10碗，我系其中之一，真系好开心！港式车仔面：汤底系猪骨清汤十腩汁，秘制辣酱拣咗bb辣，面底拣米粉。车仔面有好多款，猪大肠、猪皮、猪红、墨鱼丸系我食车仔面必选，猪大肠干净冇异味，林度啱啱好，猪皮爽口，猪红滑溜，全部都好入味，墨鱼丸弹牙，米粉吸收左汤汁，爽口带香甜味，少少辣好好味！正宗重庆酸辣粉：BB辣，拣咗油面，加咗榨菜、花生、芫荽增加口感和香味。鸡中翼嫩滑入味，鱼皮饺厚身爽滑，鱼片头弹牙，卤水蛋入味有蛋香，汤底味道酸酸辣辣，加入弹牙嘅油面，有口感又惹味。冻鸳鸯香滑浓郁。忌廉够冰冻。