add@Prince (裝修中)

系openrice揾buffet介绍，就见到呢间，有7折添㖞，一行11人黎试下啦6:20已安排入座，座位唔算多，而且宽敞，灯光柔和，几好feel趁开动时人少少，即刻攞刺身先，除 希灵鱼无试之外，其余5款都ok啊。只龙虾钳就麻麻地，无味。细粒寿司略嫌啲饭太硬每一位客人都赠送半只龙虾同一件和牛，但可能stand by 太耐，件和牛比牛小排还韧，老到不似和牛。而龙虾亦同样焗得过火了。冷盘有生蚝㖞，每次出小量，每人只可攞3只，珍珠蚝，无咩肉，一般水准，唔使添食嘞。羊架够嫩，可以encore. 至放厨房推介的猪肋排，鞋过鞋底，一口都嫌阻订。中汤几朋友话好味，西汤就稀咗啲，我就揾冬荫功汤，唔太辣，啱怕辣嘅我。但食开辣的朋友就话太咸。跳去甜品格，先黎2球double chocolate, 雪到死晒，一笔就散晒一细旧，咩鬼雪糕😣 仲口多多叫埋窝夫，哗，厚粉，又硬，又唔好食。千祈唔好试。嘢食选择唔可以话少，长脚蟹都几好，但令人回味的却是零。