皇后飯店

营业中

休息中

用历史悠久形容真系唔过分，话晒1952年就开业，你同我都未出世。2024呢个年头，好多餐厅都敌不过，难得佢仲保留住，而且仲有新店。新店位于黄竹坑站新商场，装修绝对新净，墙上又会有怀旧的部分，从旧相片可以感受一路以来餐厅的历史变化。餐牌上不乏餐厅经典招牌食物。西班牙黑毛猪扒配烤菠萝石榴沙律 $268西班牙黑毛猪扒有浓郁猪香，口感鲜嫩，入口有肉汁。配菜有高质既薯条，脆口好食，仲有烤菠萝石榴沙律，非常丰富。招牌红酒烩牛尾 $268红酒烩牛尾铁板上，温度保持住热辣辣，少有地牛尾连骨，但可以啜晒精华，亦好大旧。同时跟饭或意粉，意粉感觉较合适，捞汁劲正。蟹肉牛油果青瓜沙律 $148呢个蟹肉牛油果系几高质，牛油果熟度刚好，口感滑腻，配蟹肉好滋味又开胃。焗田螺焗田螺有丰富牛油香草汁，底下大量薯蓉，铁板上，热辣辣最好食。罗宋汤餐汤拣罗宋汤有质素，好足料，跟埋热辣辣既餐包，有诚意。