Gyutan Toku牛舌專門店

营业中

休息中

今次同朋友嚟咗间日式牛舌专门店 Gyutan Toku，试吓佢哋嘅定食系咪 #牛舌关注组 嘅 member 讲到咁惊艳！佢哋个招牌极上牛舌定食 ($178)，师傅会拣最中间最鲜嫩嘅牛脷，就系每条牛脷最中心𠮶两成肉，用同日本一样嘅煮法，先加盐同黑椒调味，再烧到表面带有微焦脆香，加埋独家嘅 72 小时低温熟成嘅煮法，一口咬落牛脷内嫩又爽口，完全冇内脏嘅臊味，值得一试 👍🏻 除咗招牌极上牛舌，呢次特别推介仲有龙虾沙律 ($78) 同盐烧鲭鱼定食 ($98)！龙虾鲜甜，再配新鲜沙律同日本生蛋，清新开胃，而盐烧鲭鱼就烧得皮脆肉嫩！另外我哋仲嗌咗鸡肉棒软骨串配日本鸡蛋黄 ($38+$10)，鸡肉肉质嫩滑，鸡软骨有咬口，配埋 High Ball ($68)，柚子味梅酒 ($58) 或者生啤 ($48)，味道一流 🍻 每份定食都有跟茶碗蒸、小钵、渍物同面豉汤，唔想食饭嘅朋友可以免费换沙律或者加 $10 转乌冬！如果你钟意食日式烧牛脷，呢间 #GyutanToku 系值得试吓，味道唔错、环境舒适、食得开心 😊