影片
更多
2024-11-03
171 浏览
平时去开 v point分店，食咗好多年𠮶间分店要自己出去拎餐, 咁多年都系咁食今次嚟开新蒲岗, 又想食鲜芋仙，第一次帮衬呢间叫咗个期间限定泰奶冰，$78店员呀姐会拎过嚟等咗唔系好耐就见到出餐，店员拎到嚟我哋枱，点知佢放低𠮶下整冧咗个冰最顶三份一然之后佢就将个冰收返埋去厨房张枱有啲跌咗出嚟嘅冰碎同糖浆佢都冇抹咁都算啦好快佢已经出返个泰奶冰出嚟比起第一次见到嘅矮咗一大截 (张相喺最底)原来佢哋完全冇intention补返跌咗冇咗𠮶part总之跌剩几多就俾返几多我哋无言佢再放低个冰𠮶阵，我(用比起正常讲嘢大声嘅声量) 话“吓，就系咁㗎咋? 冇补返㗎？”(隔篱枱𠮶啲人都望到，有个呀叔比咗个 “唉你真系黑仔，冇偈啦” 嘅眼神我)店员扮听唔到，总之摆低咗佢就行开我哋再正面抽击，直接问佢话“阿姐你咁样唔补番啲冰俾我哋㗎?”佢先死死气过嚟收返个冰走入去厨房仲大声过我哋话，个客话要补返啲冰㖞啲态度劲晦气又唔系厨房做错嘢又唔系我哋做错嘢做错嘢𠮶个反而咁晦气咁臭串我哋真系贴钱买难受呀姐，人无耻便无敌，你叻👍🏻仲有，其实在之后都系补得𠮶少少冰比起原本见到个冰都系矮咗3成原本$78有得食，又有得打卡依家个冰又
𠮶间分店要自己出去拎餐, 咁多年都系咁食
今次嚟开新蒲岗, 又想食鲜芋仙，第一次帮衬呢间
叫咗个期间限定泰奶冰，$78
店员呀姐会拎过嚟
等咗唔系好耐就见到出餐，
店员拎到嚟我哋枱，点知佢放低𠮶下整冧咗个冰最顶三份一
然之后佢就将个冰收返埋去厨房
张枱有啲跌咗出嚟嘅冰碎同糖浆
佢都冇抹
咁都算啦
好快佢已经出返个泰奶冰出嚟
比起第一次见到嘅矮咗一大截 (张相喺最底)
原来佢哋完全冇intention补返跌咗冇咗𠮶part
总之跌剩几多就俾返几多我哋
无言
佢再放低个冰𠮶阵，我(用比起正常讲嘢大声嘅声量) 话
“吓，就系咁㗎咋? 冇补返㗎？”
(隔篱枱𠮶啲人都望到，有个呀叔比咗个 “唉你真系黑仔，冇偈啦” 嘅眼神我)
店员扮听唔到，总之摆低咗佢就行开
我哋再正面抽击，直接问佢话
“阿姐你咁样唔补番啲冰俾我哋㗎?”
佢先死死气过嚟收返个冰
走入去厨房仲大声过我哋话，个客话要补返啲冰㖞
啲态度劲晦气
又唔系厨房做错嘢
又唔系我哋做错嘢
做错嘢𠮶个反而咁晦气咁臭串
我哋真系贴钱买难受
呀姐，人无耻便无敌，你叻👍🏻
仲有，其实在之后都系补得𠮶少少冰
比起原本见到个冰都系矮咗3成
原本$78
有得食，又有得打卡
依家个冰又矮，食又少咗截
影相出嚟又变咗样
仲要受气
唉
食后感
啲冰冇v point分店”ug”得咁实
唔怪得由”专业”嘅人拎，都会成个冧咗
而且个冰好似冇咁甜
泰奶味不足
可能因为冧咗个顶，𠮶一忽嘅比例上系少冰又多泰奶浆，所以影响整体味道啦
不过佢冧咗𠮶啲冰冇跌咗去我哋身上已经算系不幸中嘅大幸
因为店员系冇谂过去为任何嘢善后
纸巾都唔会俾多张你抹下张枱
Btw 𠮶阵时全舖都系得三四台客，另外𠮶啲客都已经食紧嘢，得一张外卖单，店员们都应该好清闲
泰奶冰
$78
0 浏览
0 赞好
0 留言
张贴
