百匯軒

营业中

休息中

本身谂住系隔离百佳买嘢咋，但行过见到佢有78蚊片皮鸭，忍唔住直接入去食埋晚餐！78蚊片皮鸭（唔包两食唔连壳）其实我食片皮鸭嘅经验都唔太多，食亲都系一般街坊酒楼，所以我都讲唔出佢正唔正宗，但味道都OK嘅。呢度应该半只鸭左右啦，片得都几好，薄薄一层肉连皮脆卜卜面皮都做得唔错，层层分明，厚薄适中。柚子大虾球本身上枱见到得5件，有少少失望，但一食落原来佢每一个虾球都好扎实啖啖鲜虾肉，加埋个汁有啲惊喜嘅！另外仲叫咗花胶浸时菜正正常常，有啲碎碎嘅花胶。成餐饭就系正正常常，一般街坊酒楼，叫𩠌食饭，落街想食片皮鸭都会考虑Encore的。