常滿百家菜

营业中

休息中

呢间嘢不嬲出名即蒸点心同火锅放题，有火锅放题、点心放题、甚至小菜放题，又平又免茶芥又无限时，平到眼都突埋，不过我自己就食围餐多，都系又大碟又好食，要打包。灼虾，肉厚实弹牙，算大只，虽然睇落好多膏咁但唔腥西兰花花枝片中间成堆花枝片成20块，同西兰花数量有得挥。花枝片爽口好食，西兰花都好爽口唔淋烧味拼盘，卖相好靓，都好大碟中间系冻嘅醉鸡，酒嘅分量适中，香又唔苦。叉烧偏瘦但都唔系太鞋。烧鸭还好，都系瘦肉偏多。唔知牛栢叶定牛肚，爽口浓味青瓜就冇乜汁冇乜味，清咗啲炸墨鱼饼可以话系我最爱嘅菜式外面好脆，入面墨鱼肉就又滑又弹牙，好香翅，少少稀但味道唔错炸鸡啲鸡皮超脆又香，唔食鸡皮嘅我都忍唔住食咗2旧，鸡肉都嫩蒸鱼大条，多肉，滑生菜蚝豉蛋白炒饭睇落白雪雪以为冇乜味，点知都几咸入面配料主要蛋白、虾、菜炒得几干身甜品红豆沙卖晒，得翻海底椰，都ok不过偏甜最后都好多食净要打包，嘢食大碟，味道唔错，人均300左右。另外啲店员呀姐态度好，服务好，又应得快。