影片
更多
2019-05-01
55 浏览
呢日约咗个旧同学食饭，一早book咗位嚟尖沙咀食西餐。点知去到楼下先发现大厦咁啱坏咗lift，大热天时仲要行多8层楼梯上去，真系行到我地青都面埋🤢好肚饿呀！一坐低二话不说齐声地话要叫dinner set，快靓正唔洗花咁多时间拣💁🏻♀️店员好贴心，知道我地行上嚟，就拿拿临整咗杯嘢饮俾我地解渴🙆🏻🥐餐包呢到嘅餐包份量大，上枱时热辣辣有诚意，未放低已经闻到香喷喷嘅烤焗面包味道。面包松软绵绵，牛角酥有弹性，食落唔油腻，仲附上牛油同blueberry jam😋🌰栗子忌廉汤栗子蓉磨得嫩滑幼细，好足料，饮落味道香浓清甜。🥗烧红菜头，菲达芝士合桃沙律伴黑醋汁估唔到跟餐嘅沙律都咁大碟，系散叫size，芝士粒香浓软滑，一啲都唔漏，黑醋汁酸酸地好清新👍🏻🥗香煎西班牙墨鱼仔沙律伴辣肉肠 墨鱼仔鲜味有弹性，辣肉肠咸香十足配埋新鲜沙律菜好味👍🏻🍄北海道带子蘑菇意大利饭伴黑松露 ($228)意大利饭火喉掌握得好，饭粒尚带米心，口感半熟，食落烟韧有咬口，黑松露香气诱人。带子厚身大粒，味道鲜甜。🧀芝士BBQ酱烧美国猪仔骨 ($198)半溶芝士酱铺满猪仔骨面，卖相邪恶，实质香而不漏😋猪仔骨肉质腍身但不失弹性，食落仲好ju
一坐低二话不说齐声地话要叫dinner set，快靓正唔洗花咁多时间拣💁🏻♀️
店员好贴心，知道我地行上嚟，就拿拿临整咗杯嘢饮俾我地解渴🙆🏻
🥐餐包
呢到嘅餐包份量大，上枱时热辣辣有诚意，未放低已经闻到香喷喷嘅烤焗面包味道。
面包松软绵绵，牛角酥有弹性，食落唔油腻，仲附上牛油同blueberry jam😋
🌰栗子忌廉汤
栗子蓉磨得嫩滑幼细，好足料，饮落味道香浓清甜。
🥗烧红菜头，菲达芝士合桃沙律伴黑醋汁
估唔到跟餐嘅沙律都咁大碟，系散叫size，
芝士粒香浓软滑，一啲都唔漏，黑醋汁酸酸地好清新👍🏻
🥗香煎西班牙墨鱼仔沙律伴辣肉肠
墨鱼仔鲜味有弹性，辣肉肠咸香十足配埋新鲜沙律菜好味👍🏻
🍄北海道带子蘑菇意大利饭伴黑松露 ($228)
意大利饭火喉掌握得好，饭粒尚带米心，口感半熟，食落烟韧有咬口，黑松露香气诱人。
带子厚身大粒，味道鲜甜。
🧀芝士BBQ酱烧美国猪仔骨 ($198)
半溶芝士酱铺满猪仔骨面，卖相邪恶，实质香而不漏😋猪仔骨肉质腍身但不失弹性，食落仲好juicy！
🍓士多啤梨梳打酸甜清新，甜度适中👍🏻
张贴
