麵館皇

营业中

休息中

放工突然想食上海菜饭就入左呢间食，估唔到大中伏。入去时大约 8点, 睇左阵 menu 就手机落单：瑶柱牛腩菜饭，热奶茶。点知落完单侍应先讲已经无晒饭兼唔会再煮，要我拣返面食。夜缤纷都唔至于8点就无饭呀？不过既然都坐低左，就顺佢意转药膳拉面。转个头佢又同我讲洗左茶机无得冲热奶茶。我心谂又无，唯有听佢讲转冻奶茶。但以上都系小事，但主菜先真系出事。首先佢上左碟得 5-6旧仔既牛腩（收紧70几蚊）一食，臭既。我畀多次机会，食啖面饮啖奶茶，再拣另一旧食，都系一样既臭味。似系牛腩处理得唔好，或者调味料出事。实在太臭入唔到口，我又无理由放佢系到斋食面。我就同侍应反映，要求帮我换炸猪扒，好在侍应都爽手帮我转，仲计返平俾我。但！！！个炸猪扒黎到系好鞋又好咸，佢仲要淋豉油上去…不过起码唔系臭。我见过鬼怕黑，快快手食完就闪人，埋单 $75。依加回想，我落单时既期望同最后食既野完全唔一样，而且体验奇差，两款肉既质素亦唔好。铜锣湾有其他更好食 & 抵食既选择，完全唔推荐呢间。