影片
更多
2024-07-25
239 浏览
<月居酒屋>🔸 阳光厨师的浪漫 🌹大坑街角高质居酒屋🔸 8-courses 厨师发办都系$788 + 10%想揾个无限时嘅地方倾心事，朋友仔带我去位置于大坑嘅<月居酒屋>，有被餐厅门面的小竹林惊喜到 🎌🎋 相当日系的居酒屋🏮餐厅嘅座位唔算多，具有空间感，确实几适合倾心事。Menu好多选择 📜📜📜 唔想用脑嘅我地直接叫Omakase，8-courses 都系$788，围起$100 each，其实抵！《前菜》 牛油果桃太郎蕃茄 — 轻轻铺上淡雪盐，番茄甜度更上一层楼 🥹 酸味被牛油果嘅脂香中和。（出色！）蟹肉水云啫喱 — 啫喱嘅酸醋味加强蟹肉嘅鲜味，水云有加乘作用 🌿 令人更感到开胃。大头虾 — 虾肉几弹牙本身唔算好特别，原来个精粹系在于啲「膏」 🧡🧡🧡 好似食紧Mousses一样，口感细腻、鲜度馥郁。（嚿膏出色！）《刺身》 — 当日有五款刺身，师傅明显地有排版同衬色。可惜餐厅灯光真系麻麻哋，影唔到俾大家睇到底个配色有几有艺术感 🖼️ 如画一般留白，浅粉红色、红、橙、收尾再一点红，赏心悦目，难以下手。真系要食材相当新鲜先有咁色水，大头虾刺身眼球仍然都系亮泽的
🔸 阳光厨师的浪漫 🌹大坑街角高质居酒屋
🔸 8-courses 厨师发办都系$788 + 10%
想揾个无限时嘅地方倾心事，朋友仔带我去位置于大坑嘅<月居酒屋>，有被餐厅门面的小竹林惊喜到 🎌🎋 相当日系的居酒屋🏮餐厅嘅座位唔算多，具有空间感，确实几适合倾心事。
Menu好多选择 📜📜📜 唔想用脑嘅我地直接叫Omakase，8-courses 都系$788，围起$100 each，其实抵！
《前菜》
牛油果桃太郎蕃茄 — 轻轻铺上淡雪盐，番茄甜度更上一层楼 🥹 酸味被牛油果嘅脂香中和。（出色！）
蟹肉水云啫喱 — 啫喱嘅酸醋味加强蟹肉嘅鲜味，水云有加乘作用 🌿 令人更感到开胃。
大头虾 — 虾肉几弹牙本身唔算好特别，原来个精粹系在于啲「膏」 🧡🧡🧡 好似食紧Mousses一样，口感细腻、鲜度馥郁。（嚿膏出色！）
《刺身》 — 当日有五款刺身，师傅明显地有排版同衬色。可惜餐厅灯光真系麻麻哋，影唔到俾大家睇到底个配色有几有艺术感 🖼️ 如画一般留白，浅粉红色、红、橙、收尾再一点红，赏心悦目，难以下手。真系要食材相当新鲜先有咁色水，大头虾刺身眼球仍然都系亮泽的 👀
《天妇罗杂锦》 — 坚揪！绑到成条辫仔嘅沙锥鱼！除左外观惊叹之外，食物嘅水准都相当有料，天妇罗皮唔会厚籴籴，咬破薄脆嘅外皮，软滑嘅质感，又系出色！
《明太子赤鸡卷》— 赤肉公鸡包住明太子馅料，净系睇外观都知道佢嫩滑Juicy 🤩🤩🤩 食落确实如此，选材使用黄油鸡！OK, I buy you!!! 肥美质感使人，垂涎欲滴 🤤
《焦脆乳鸽髀》 — 食到呢度，其实我已经饱左 🤰🏻🤰🏻🤰🏻 外脆内软嘅口感，成只髀咁齿好过瘾。
《月见和牛丼》 — 🐮和牛同🍳日本蛋，听落就知Perfect match！！！不过硬系要鸡蛋里挑骨头的话，我会觉得佢洋葱浸得唔够透，食落仍然洋葱之辛辣味，未至于焦糖化，呢个位有少少扣分。
《鱼汤》 — 好耐好耐冇饮过一碗焫嘴嘅汤，真心会焫亲条脷𠮶种 🥵 食到好饱𠮶阵饮碗热汤，浓鱼汤呈奶白色嘅状态，饮落条食道好C伏 🎋🎋🎋
《甜品》 — 对唔住，我好失礼咁讲咗句「鲮鱼肉？」 🤣🤣🤣 我想讲你地你芝麻蛋糕好足料、好味唷～
我哋由7:00坐到9:30都唔无被催埋单 💯💯💯
餐厅由两位阳光型师傅掌厨，感受到每一份食物都用心制作 🌹🌹🌹 唔知依啲系唔系叫做男人的浪漫呢？
张贴
