和道屋

营业中

休息中

无面男餐厅最近推咗个90分钟和食半放题，可以任食日本A4和牛、北海道米豚、广岛牡蛎寿喜烧、仲有师父即握寿司、野菜盘、温泉蛋紫菜饭、温泉蛋稻庭乌冬等，唔使去日本都食得到～头盘有和风沙律同时令刺身五款，新鲜肥美，份量细细，令人食欲大开。之后有自选5款即做串烧、料理或天妇罗，三文鱼头肉质细嫩、海白虎虾同海胆大叶天妇罗炸至酥脆、芝士年糕烟烟韧韧，Q软可口，如果有多件就好啦！锅入面已经包埋野菜盘，唔够嘅可以再加。寿喜烧甜得嚟又唔会觉得口渴，大大力推介呢度嘅日本A4和牛，入口即溶，自己一个都食咗好几碟，绝对系回本item、豚肉大块，肥瘦适中、牡蛎鲜嫩多汁、整体性价比高，值得到访一试。