影片
更多
2014-03-10
113 浏览
「90后米奇」当然唔喺讲佢晌90年代面世啦，唔讲真喺唔知，原来迪士尼今年已经90岁咯！所以，由二月中开始见到美心西饼推出「米奇、米妮系列」嘅主题蛋糕及甜品，小弟有幸获赠其中两款，一试当中嘅滋味。今次嘅主题系列，一共出咗4款蛋糕或甜品，包括：「Mickey & Minnie心有所属杂果蛋糕」、「Mickey & Minnie迷你情侣慕丝蛋糕套装」、「Find A Mickey 寻找米奇牛油蛋糕」及「Mickey & Minnie心深相爱慕丝甜品杯」，各款产品都有唔同卖点。Mickey & Minnie迷你情侣慕丝蛋糕套装 $138套因为喺两个迷你慕丝蛋糕，最啱揾晚同老婆作为饭后甜品一齐食。鲜红色嘅手挽盒，前前后后印有米奇、米妮，已经相当抢眼。打开蛋糕盒，一对黑色朱古力大耳朵，以两个米奇、米妮3D标志造型嘅慕丝蛋糕，入型入格，粉丝们见到一定觉得可爱非常。两个慕丝蛋糕，虽则叫做迷你，但份量一啲唔细，其实每个慕丝蛋糕一上一下，已经可以睇为由两件冻饼组合而成，一位女生食一个，绝对颇为饱肚喔！有粉红蝴蝶头饰、粉红波点裙当然喺米妮啦，上层半球形喺柔滑嘅朱古力慕丝及朱古力海绵蛋糕底，再包一层薄薄浓郁嘅
今次嘅主题系列，一共出咗4款蛋糕或甜品，包括：「Mickey & Minnie心有所属杂果蛋糕」、「Mickey & Minnie迷你情侣慕丝蛋糕套装」、「Find A Mickey 寻找米奇牛油蛋糕」及「Mickey & Minnie心深相爱慕丝甜品杯」，各款产品都有唔同卖点。
Mickey & Minnie迷你情侣慕丝蛋糕套装 $138套因为喺两个迷你慕丝蛋糕，最啱揾晚同老婆作为饭后甜品一齐食。鲜红色嘅手挽盒，前前后后印有米奇、米妮，已经相当抢眼。打开蛋糕盒，一对黑色朱古力大耳朵，以两个米奇、米妮3D标志造型嘅慕丝蛋糕，入型入格，粉丝们见到一定觉得可爱非常。
两个慕丝蛋糕，虽则叫做迷你，但份量一啲唔细，其实每个慕丝蛋糕一上一下，已经可以睇为由两件冻饼组合而成，一位女生食一个，绝对颇为饱肚喔！
有粉红蝴蝶头饰、粉红波点裙当然喺米妮啦，上层半球形喺柔滑嘅朱古力慕丝及朱古力海绵蛋糕底，再包一层薄薄浓郁嘅朱古力浆，更惊喜喺内里仲加有卜卜脆嘅朱古力脆豆，口感变得多变唔单一。而下层以清海绵蛋糕底，配以士多啤梨果冻及士多啤梨慕丝，果香酸活，好怕太甜、太浓味嘅人，下层嘅酸香味正正可以中和上层嘅浓甜。
至于另一个米奇，较适合朱古力嘅死硬粉丝，因为上层跟米妮一样，都喺浓郁香滑嘅朱古力慕丝蛋糕，而下层再下一城，以黑朱古力嚟做嘅朱古力慕丝蛋糕，更标榜采用法国顶级Cocao Barry朱古力，朱古力味更浓更甘苦。老婆对黑朱古力都几偏爱，所以，「米奇」非常啱佢口味。
Find A Mickey寻找米奇牛油蛋糕 $118由于依个「寻找米奇」喺个牛油蛋糕，相对都较为甜腻少少，所以，揾日人多同班朋友一齐先试依款蛋糕。蛋糕以全透明胶盒盛载，而且，因为喺牛油蛋糕，非忌廉蛋糕，所以亦无须急于入雪柜。
其实个牛油蛋糕卖相一样好可爱，糕面唧满旋转型牛油忌廉，又洒上好多七彩星星碎糖，再放埋两个米奇、米妮马卡龙，真喺有啲唔舍得食咗佢哋。
个牛油蛋糕最大亮点就喺「寻找米奇」，因为晌蛋糕内，只有切得啱位置，你就会揾到个粉红色米奇，其实落刀位唔难揾，因为晌蛋糕周边透出粉红色嘅位置就喺嘞。
味道又如何？由于要藏个「米奇」落去，唔可以以海绵蛋糕嘅做法嚟做，耍改以牛油蛋糕嚟做，又因为要突出粉红色嘅米奇，所以选用深色嘅朱古力味。蛋糕质感较干身实净，牛油味亦颇浓，朱古力味不俗，而蛋糕面嘅牛油忌廉（无忌廉成份，只喺有忌廉质感）几软滑，由于喺全牛油打成，都几肥腻，所以你见佢都唔会做得太厚。其后我哋雪过夜再食，发觉仲好食，有啲似食紧班尼士。
Mickey & Minnie心有所属杂果蛋糕 $178虽然未有机会试，但相信一如美心西饼以往一贯忌廉蛋糕嘅水准。心型嘅杂果忌廉蛋糕，铺满多款新鲜生果，加上米奇、米妮心心相印朱古力牌，唔知会否勾番起你跟爱侣嘅浪漫恋爱回忆呢？
Mickey & Minnie心深相爱慕丝甜品杯 $28精巧嘅慕丝甜品杯，依然继续将米奇、米妮细水流长嘅爱情故事作为设计方向。最底层粉红色嘅士多啤梨慕丝，再加一层意式奶冻及士多啤梨啫喱，放上新鲜嘅士多啤梨及米奇、米妮亲吻嘅朱古力牌，绝对喺一款富心思、富层次嘅甜品杯。
整个系列供应到去4月23日，相信作为米奇、米妮迷，理应唔会错过！就算你唔喺佢哋嘅粉丝，遇有家人、朋友喺嘅话，买个氹佢开心相信都好值得。再唔喺，就快白色情人节，买个「Mickey & Minnie迷你情侣慕丝蛋糕套装」跟爱侣一齐分享，都好有心思吖！
张贴
