美心西餅 (深水埗站)

营业中

休息中

路過買左幾件西餅 分享左俾d朋友仔食 我主要係食類似於黑森林蛋糕🍰 全朱古力餡 蛋糕質地鬆軟 上面有一絲絲捲捲地朱古力點綴住可以😌更加錦上添花 但係食一塊唔會太甜 如果多一塊就過分了 而其他幾款之前都有試過可以大概形容出什麼味道太陽花款d醬有d酸酸甜甜味道 但係cream 我會覺得便多 好creamy感覺 個人不大喜歡

2個女見到美心最新出嘅「大富翁世界雜果忌廉蛋糕」太靚，即時搵個藉口提早慶祝父親節囉！ 最緊要祝爹哋大富大貴，帶歇埋我吖嘛！我地揀左小朋友最愛嘅「大富翁世界雜果忌廉蛋糕」，造型非常可愛，鮮果又夠多，唔洗爭。最特別嘅係每層藏左啲法國果蓉士多啤梨啫喱同芒果啫喱，口感同平時啲啫喱有少少唔同，果味龍啲，特別又好味。而且呢個蛋糕忌廉比較少，真係好啱爸爸食啊！因為通常啲爸爸都唔鍾意食忌廉㗎嘛！佢地食完仲即時要同爹哋玩舖大富翁，哈哈，真係好好嘅親子時光。

這是老媽子生日必食的蛋糕, 每年例牌的口味, 今年由大姊家訂過來的美X西餅無論外型,刎忌廉嘅精準度, 成品完成度都相當有水準, 栗子忌廉沒以前的甜, 但栗子忌廉內櫻桃酒味也比往年的輕, 栗子沒有註明是哪裡來的但口感同栗子味道都唔差, 整個蛋糕勝價比高, 只係由於係兩層蛋糕的關係,蛋糕盒特別高大,同時切起來有一定難度,  

今日姪女2歲生日，細佬買左個蛋糕，見有熊貓公仔，姪女好喜歡熊貓。在家食飽後馬上當甜品切蛋糕，姪女可愛到1個點，問佢幾歲，佢話"2對"，笑死鳥！一切開蛋糕是蛋糕為主，cream唔算多，生果都唔太酸！ 2個字鬆軟，不過好似一陳風咁，食完唔覺食左！鬆軟是否落了吹化劑就不知了。小朋友真係好童真，影相時已被她偷食兩啖，想做就做，我地生唱生日唱歌，她真的很開心，拍曬手咁，而家又學識吹臘祝！希望她健健康康，快樂成長！

12Feb3.9澳洲牛奶卷 $68 係美心呢兩年的特別版卷蛋之一正如佢自己宣傳講的一樣, 內餡係好重好重牛奶味的忌廉體凝固物,中間重有幾粒疑似啫喱的奶白色奶凍, 據說那黑色斑塊係竹炭粉做的, 說實在舌尖上的味蕾早已被那幼滑的牛奶忌廉所占有了, 那還有時間分析什麼竹炭味呀, 但呢個卷蛋好奇怪? 個盒長8吋蛋糕體則只有5吋? 睇相最易明白! 到底係製造盒的工廠搞錯尺吋?定係因為成本計算上以現價只能一cut就5吋呢? 有時無法估計大集團的做事手法! 但個盒的圖案設計應記一功, 相當有趣地利用了整個盒, 只要將左右翻起就會看到一頭牛, 而同一款系列的慕思亦製作成甜品小杯, 同事買回來請我吃了一個, 同樣外型討好可愛極了, 慕思味道口感跟卷蛋內餡一樣咁奶滑! 02 Mar試了另一個花紋- 豹紋捲蛋, 但因為這是類似色的斑紋, 效果沒有黑白色的搶眼及令人印象深刻, 內餡是可可忌廉再內藏一點香蕉及奶凍, 比較普通的一個組合, 好吃的但就香蕉稍稍人工了一點,同樣卷蛋係比個盒短咗, 

之前聽朋友話美心既糙米芝士包唔錯，今次路過美心，終於去買喇！買黎即刻試一啖，完全唔甜，比起其他麥包鬆軟d，仲見到有芝士粒，雖然唔係幾多。之後仲會選擇尼個糙米芝士包既原因係：比較健康，比起提子麥包或者南瓜子麥包，糙米芝士包糖份同埋碳水化合物最低，響應最近好興既「斷糖飲食」。（雖然斷不到糖，但至少係半糖飲食XD）同埋因為有芝士，所以蛋白質唔低，係減肥人士唔敢食肉卻可以補充營養既好選擇。尼個包總共270克，每100克係271，姐係731.7kcal，咁大一個。而且糙米屬於粗糧，低GI值，令我地唔容易覺得肚餓，正wor，淨低果d聽日食早餐，期待ing

放工返嚟經過美心西餅店，走過去望咗望，牛乳卷唔知幾時出咗隻朱古力味，于是買咗個返屋企食，個樣無咩變，止係顔色變咗小小，切開入面白色變啡色，食咗啖口感無咩變，滑滑嘅軟軟嘅，中多咗D朱古力味道，總體嚟講味道ok架，中意食朱古力嘅朋友仔直得一食。

除咗老婆整咗兩底素蘿蔔糕自用之外，今年食到嘅蘿蔔糕仲有嚟自美心及功夫點心，後者另文再講，晌度先分享吓美心嘅「瑤柱蘿蔔糕」，喺表姨甥大量買入佢啲蘿蔔糕券再轉手賣俾我哋一班親戚，所以，平市面再平多少少 。打開包裝，糕面鋪有好多瑤柱絲、臘腸粒同蝦米。切開後，見到一絲絲蘿蔔幼條，不過，切嘅時候，感覺質感比較削身，切起嚟較易散。而包裝袋背後有教點煮，可以煎，亦可以原底蒸15分鐘，因為原先已打算煎嚟食，所以一起手都已經切成一件件，不過，切咗就覺得蒸嘅效果會比較好啲。咪睇佢好似細細個，一個足有850g，即喺近兩磅，煎出嚟有一大碟 。味道方面，其實都唔錯，好有蘿蔔嘅清甜味，加上材料足，口感豐富，又有絲絲蘿蔔，口感更實在 。不過，晌拆開包裝時，順便睇睇有咩成份時，就略嫌有好多化學嘢或調味劑，大抵因為想保存得好啲，令質素穩定啲，但感覺始終都無咁天然！美心始終喺本港嘅一個大品牌，以往嘅出品都一向不俗，「美心」個名猶如吉星，不過，個人而言，今次個蘿蔔糕只屬中規中矩，晌小弟心中，則未能高照。

大孩子買了個大蛋糕回家，但未有家人生日……食大蛋糕！？ 他的一句反問: 那條明文規定是要「慶祝」才能吃大蛋糕? 這倒也是！把蛋糕盒打開後……嘩！真美！難怪他一定要把蛋糕買回來，是近期熱爆的《 蜂味蜜糖屋 》，蜂巢的設計，頂上有兩隻嗡嗡嗡小蜜蜂，還擺有一枝正在流蜜的蜜糖棒 （當然全部都是吃得之朱古力）。把蛋糕從頂部切開，特別選用澳洲塔斯馬尼亞島的金獎蜂蜜 Blue Hills Leatherwood Honey便徐徐流下。蛋糕共有多層組合而成，結合成八重獨特滋味，外層澳洲金獎蜂蜜慕絲、內層由頂至㡳有蜂蜜寒天啫喱、澳洲金獎流心蜂蜜、中間加入黃金蛋糕、特濃朱古力蛋糕、清新檸蜜啫喱及清甜蘋果蓉，底層是焦糖酥底。  其實要一次過由頂至底吃勻八種味道，又不是一個大可能，因為焦糖酥底是頗硬的，要集合各人之力才可以把焦糖酥底切開，除非不介意碎屑亂彈。  蜂蜜慕絲的輕柔甜味配合檸蜜啫喱及蘋果蓉的清爽味道，基本上不曾想過把它們就這樣結合，視覺與味覺兼備下配搭出多重口感的「清新滋味」。

「90後米奇」當然唔喺講佢晌90年代面世啦，唔講真喺唔知，原來迪士尼今年已經90歲咯！所以，由二月中開始見到美心西餅推出「米奇、米妮系列」嘅主題蛋糕及甜品，小弟有幸獲贈其中兩款，一試當中嘅滋味。今次嘅主題系列，一共出咗4款蛋糕或甜品，包括：「Mickey & Minnie心有所屬雜果蛋糕」、「Mickey & Minnie迷你情侶慕絲蛋糕套裝」、「Find A Mickey 尋找米奇牛油蛋糕」及「Mickey & Minnie心深相愛慕絲甜品杯」，各款產品都有唔同賣點。Mickey & Minnie迷你情侶慕絲蛋糕套裝 $138套因為喺兩個迷你慕絲蛋糕，最啱搵晚同老婆作為飯後甜品一齊食。鮮紅色嘅手挽盒，前前後後印有米奇、米妮，已經相當搶眼。打開蛋糕盒，一對黑色朱古力大耳朵，以兩個米奇、米妮3D標誌造型嘅慕絲蛋糕，入型入格，粉絲們見到一定覺得可愛非常。兩個慕絲蛋糕，雖則叫做迷你，但份量一啲唔細，其實每個慕絲蛋糕一上一下，已經可以睇為由兩件凍餅組合而成，一位女生食一個，絕對頗為飽肚喔！有粉紅蝴蝶頭飾、粉紅波點裙當然喺米妮啦，上層半球形喺柔滑嘅朱古力慕絲及朱古力海綿蛋糕底，再包一層薄薄濃郁嘅

同事請食散水餅，是次輪到美心，見看綠茶蛋糕綠油油的向我招手，又怎能拒絕呢？面層的綠茶忌廉不算很軟滑，食落偏甜而綠茶味不足，與東海堂那香濃綠茶味且帶微甘的差得遠矣~第二層和底層的綠茶海綿蛋糕就夠軟熟，而中間的忌廉很淡，雖不算膩口，但絕非好貨色，令我更想念於美麗華酒店婚宴食過的忌廉蛋糕(不知是其酒店出品，還是主人家自攜)，是我生平首次覺得忌廉都可以清甜好食。這件蛋糕才索價十元，難道奢望能與之相比乎？這價位的綠茶蛋糕，還是東海堂的比較好~

生日當然要有一個蛋糕才像過生日嘛，男友的生日蛋糕就是近來很火紅的天使蛋糕。由於男友生日是聖誕節期間，所以就有這個聖誕特別版的天使蛋糕。賣相與original的各有各特色，味道當然也不差。Cream很滑，而且雪芳蛋糕很鬆軟，加上充滿焦糖味的脆脆，美味無法抗拒﹗看似簡單的蛋糕，卻帶給人無窮的甜蜜。最後，謝謝友人送來這個如天使般美麗的蛋糕﹗

前一排突然好想食粟子蛋糕, 經過見到美心有粟子杯, 有好多層, 一於試吓~面有粟子蓉, 甜度適中, 好濃好rich的粟子味, 最最最重點的一層第二層有粟子慕絲, 都有粟子味, 幾滑, ok~之後係cream, 好輕, 唔膩 同朱古力蛋糕, 一般~$15有多層的享受, 也滿足了突如其來的粟子欲望, 下次會再買~ p.s. 比上次聖安娜的迷你粟子蛋糕, 我會揀美心這個粟子杯, 食完會開心好多好多！果然美心略勝！

這是美心網頁上的介紹：「與聖誕老人一起搭上越礦快車, 在滿佈朱古力忌廉、棉花糖、朱古力釘及杏仁碎的石板街上飛馳，享受棉花糖與黑森林蛋糕的雙重「夾擊」，滋味絕佳。」朱古力味幾濃。蛋糕上裝飾很多，所以生果會較少。食左片芒果不過好酸。朱古力忌廉，朱古力釘及杏仁碎的味道都很夾。反而是棉花糖有點奇怪，沒有棉花糖的煙un，只是一堆甜甜的東西。

今日放學拎coupon去美心羅兩件西餅..甘我見平時買三件西餅多個盒..就自掏腰包買左件tiramisu tart ($10)..諗住要個餅盒方便d拎啦..我order果陣因為cake前面冇name card..於是就用我唔多掂既形容詞同埋指手劃腳甘俾order點知佢勁囂甘同我講呢件唔係咩一攤攤, 係叫tiramisu呀..而呢件, 呢件就叫黑森林呀....佢個樣真係當我係大陸人唔識野勁串囉咩事我自己平時都整開cake添啦.. 大姐你真係當我傻架咩..之後佢仲好野.. 用兩個膠袋分開裝住d西餅..仲要有一件係倒轉左入袋囉..我登美心老闆同宣傳部門唔抵..年年用甘多錢做promotion去搞好個friendly neighbourly 既形象 .. 就甘就俾一個小小既sale破壞..真係千年道行一朝喪!