影片
更多
2024-09-22
544 浏览
今日中午喺雅兰中心附近，见已经系食晏时间，谂住去返之前食过𠮶两间餐厅睇吓有乜嘢食。上到一楼俾呢间餐厅墙上面抢眼嘅宣传字句：「寻觅99分海南鸡饭」吸引住。见到当时餐厅入边都已经差唔多冇位，不过又唔系好多人喺度排队等位，为咗试吓系咪真系99分，我排咗队。😂等咗一阵就有个较隐蔽嘅位，因为用QR Code落单，唔系好需要餐厅职员帮手，呢个位静静哋仲好, 我今日当然系食海南鸡啦。我其实好唔钟意食鸡胸，不过QR Code落单冇得拣「走胸」，如果𨍭鸡髀要加$25😅，唯有希望佢哋俾我𠮶碟唔好咁多胸肉啦，好彩都唔系好多。😊碗汤望落去好多油，饮落去虽然淡咗啲，但系都okay㖞。试第一嚿鸡，原来鸡皮都可以入口即化，忍唔住连皮食咗呢嚿。😂碟上面有几嚿鸡胸，唔钟意食都唔好做「大嘥鬼」，好彩都唔系嚡熠熠好难食。😂一向食好少饭嘅我，今日成碗油饭食哂😅，我钟意佢哋啲姜蓉，好味！唔太咸而且有啲沙姜味。海南鸡豉油就唔系好甜同埋有啲「稀稀哋」，同平时一般餐厅𠮶啲有少少唔同。如果我有得选择「走胸」，我会俾90分，不过而家我要勉强自己食鸡胸，虽然唔系好难食，我都系俾唔落咁高分，88分系我今日俾佢哋海南鸡嘅分数。整体嚟讲，鸡肉质
等咗一阵就有个较隐蔽嘅位，因为用QR Code落单，唔系好需要餐厅职员帮手，呢个位静静哋仲好, 我今日当然系食海南鸡啦。
亚参去骨海南鸡饭
$89
171 浏览
0 赞好
0 留言
我其实好唔钟意食鸡胸，不过QR Code落单冇得拣「走胸」，如果𨍭鸡髀要加$25😅，唯有希望佢哋俾我𠮶碟唔好咁多胸肉啦，好彩都唔系好多。😊
碗汤望落去好多油，饮落去虽然淡咗啲，但系都okay㖞。试第一嚿鸡，原来鸡皮都可以入口即化，忍唔住连皮食咗呢嚿。😂碟上面有几嚿鸡胸，唔钟意食都唔好做「大嘥鬼」，好彩都唔系嚡熠熠好难食。😂
一向食好少饭嘅我，今日成碗油饭食哂😅，我钟意佢哋啲姜蓉，好味！唔太咸而且有啲沙姜味。海南鸡豉油就唔系好甜同埋有啲「稀稀哋」，同平时一般餐厅𠮶啲有少少唔同。
如果我有得选择「走胸」，我会俾90分，不过而家我要勉强自己食鸡胸，虽然唔系好难食，我都系俾唔落咁高分，88分系我今日俾佢哋海南鸡嘅分数。
整体嚟讲，鸡肉质素唔错，鸡唔会太肥，皮唔会有一层厚肥膏，油饭软硬适中味道好，加埋姜蓉更正。下次试吓问可唔可以「走胸」🤣。价钱方面，虽然冇加一，不过我个人觉得有啲贵，要提一句，佢哋净系接受电子付款，唔收现金（No Cash❌💵)。
张贴
