A Bowl Of (已結業)

之前见到杂志介绍，啲Panini好似好好食，咁特登走过来试吓，点知原来舖头星期日系闩门嘅，唯有失望咁带着空肚而回。今次特登上店舖嘅社交平台check咗开门时间，星期六一早过嚟。沿途发现呢区多咗好多小店，人流亦多咗好多。A bowl of 位置相对冇咁方便，但要食好嘢仲系要付出嘅！入到去嘅时候，见到雪柜空空如也，店主解释原来喺舖头做紧盘点，所以只能够提供一款汤 （大蒜薯仔），Panini只有烤猪同埋意式熟火腿。大蒜我不嬲麻麻哋。，所以同虾子饼只系叫咗一份汤，每款三文治各一。汤饮得出系真材实料，不过个人口味原因我就唔多comment 。Panini 可以用惊喜来形容。用料新鲜之余，火腿更加系店主即场切出嚟，味道分外香，至于面包本身，focaccia 系店主亲手自制，外脆内软，加上恰到好处嘅意大利香草同埋橄榄油味道，我到而家仲回味紧。店主仲好Nice咁，每人俾咗一杯白牡丹茶我哋，估唔到中国茶同Panini可以咁夹！温馨提示，准备嚟食嘢嘅朋友，呢度嘅食物系店主即叫即做，所以时间可能会耐少少，但睇住店主慢慢预备食物，都系一种享受。下次嚟之前会打电话问吓店主，𠮶日嘅汤系乜嘢，听闻呢度嘅蕃茄汤好好味