Beach Bums & Cannibals

营业中

休息中

Item: Beach Bums & Cannibals
Rating: 5
Author: Loloeateat

4.5

7 食记

味道

环境

服务

卫生

抵食

1315

西贡

$201-400

西式

Loloeateat

等级2

一班居住西贡区嘅朋友推荐呢间餐厅, 话好特别, 于是藉住周年纪念日嚟试试.

餐厅位于翠塘花园附近一幢名叫CENTRO嘅商场内, 占地2万几尺, 分开几部分, 包括保龄球场, 轻食餐厅, 酒吧及FINE DINING SECTION. 各适其式, 总有一款啱你. 今晚我地尝试了FINE DINING SECTION.

沿住商场自动电梯上三楼, 一路上会见到有好多实木家俱及装饰品, 已经好吸引. 我地本身好钟情泰国呢个地方, 对实木家俱更加系情有独钟, 所以已经觉得好IMPRESSIVE. 入到餐厅更加 "哗"一声 ! 只要你细心观察, 不难发觉餐厅主人放左好多心机去装修.

由侍应带领下入到去FINE DINING SECTION, 完全系自成一角, 好有PRIVACY. 餐牌内有一款SET DINNER, 其余都系A LA CARTE. 最后我地挑选了两款头盘加两个主菜.

头盘1. BEEF TARTARE

一碟成功嘅BEEF TARTARE, 首要条件旧牛肉必须新鲜, 呢一点绝对无问题. 调味方面厨师比较偏向保留原有肉味, 所以SEASONINGS方面比较稳阵淡口. 如果可以略为改进, 相信会更能提鲜.

头盘2. GRILLED SCALLOP

一碟三粒带子, 煎得好靓. 以MANDARIN SAUCE作陪衬, 但同样地略为淡口保守.

主菜1. GRILLED M5 STRIPLOIN

肉嘅质地好好无容置疑. 唯一失色系D PORCINI MUSHROOMS, 完全无味道.

主菜2. GRILLED LOBSTER

上碟卖相好靓, 厨师好细心地将龙虾钳肉同头部嘅肉都取出, 非常方便进食. 调味方面比较突破, 厨师响个汁底上应该加入了一些HERBS, 所以味觉上较有层次, 值得一赞.

整个晚餐过程都令人好舒服. 忘了一提, 面包篮入面有BREAD STICKS, 我向侍应反映有点儿疏气不脆, 厨师二话不说立刻重新焗过一篮, 服务态度完全值得一赞 !

由于我地不嗜甜品, 所以选择出去酒吧位置品尝COCKTAIL.

酒吧部分装修都好细致, 抬头会发现店主摆放好多古董物件好似相机等, 音响方面亦好落本, 置身酒吧完全给你好自在嘅感觉.

分别点了两款COCKTAILS, PINA COLADA + COCONUT BERRY MOJITO

PINA COLADA : 用椰壳盛住, 好吸睛. 味道方面好清新.

COCONUT BERRY MOJITO : 饮嘅时候发现, 点解冰块会黑黑地颜色, 细看之下, 原来冰块内有薄荷叶, 即系薄荷叶连水一齐雪成冰块, 呢个做法会令你饮用时, 冰块慢慢开始溶化同时, 会带出淡淡薄荷味. 由于有些人对薄荷叶并不受落, 呢个做法就吾会咁抢走杯饮品原有味道. 对于BAR TENDER呢份心机. 绝对值得一赞 !

闲逛周围, 发现轻食部分好大, 原来每个星期六晚都设有自助晚餐, 价钱$299/位, 可以一试. 另外店员亦介绍了星期五晚10-12点有个优惠, 保龄加啤酒有特价, 非常适合夜鬼.

一间餐厅的成与败, 真系非常在于员工的服务态度及热诚. 响BEACH BUMS & CANNIBALS你可以完全感受, 员工非常细心嘅讲解及介绍, 令你完全有宾至如归嘅感觉.

虽说话属于西贡区, 但餐厅其实未入到市中心咁远. 交通方面亦好方便, 巴士或小巴往西贡方向必经之路. 非常推介大家去试试.