影片
电话号码
26578488
营业时间
今日营业
18:00 - 22:00
星期一至日
18:00 - 22:00
以上资料只供参考，请与餐厅确认详情
餐廳是在停車場內，一出電梯， 已感受到濃烈的異国風情， 再入是裝修舒適的保齡球場 ， 還有特別為小朋友準備的輔助發球恐龍座， 细微盡顯心思。 另有三處露天 cafe， 用南美圖騰茅屋和 cushion裝飾， 配上開揚西貢景色， 寫意休閒。雖然沒其他客人，餐廳 也讓我們四人 獨佔法國餐廳 ，還差派兩位員工殷勤招呼， 餐廳佈置溫暖豪華舒適。麵包籃是手工即做，新鮮香脆， 前菜 白酒青口， 凱撒沙律 ，水準之作。 主菜和牛扒 ，炭燒味香，火候控制好，鮮美多计， T bone steak 略過熟，侍應知道後即主動要求重做 因是平常家庭晚餐，我們沒有叫餐酒， 菜式分量頗大， 我們亦吃不下甜品了。餐後打保齡球，那裏炸番薯條份量很多， 十分香脆可口。整體而言，這是一間很有心思 的綜合娛樂地點 ， 招呼窩心 ，價錢合理，老少咸宜，餐廳 主人對一切要求很高， 十分有誠意， 非常值得推介支持1
继续阅读
男朋友生日，我想給小驚喜，所以不想又銅鑼灣，中環,尖沙咀，看到網上介紹，就選了這間餐廳~很喜歡這間餐廳，裝修很有心思,外面是夜光播住mv 的保齡球場酒吧,勁cool球場邊內有個隱敝側門，推開門係裝修典雅的fine dining 餐廳，正中有得食有得玩~餐廳好寧靜，環境好舒適，可能因為星期一關係，加上地方較遠,餐廳就好像給我們包場一樣食物方便，味道不錯，我們點了蟹沙律,m5牛,燒龍蝦和帶子,沙律，龍蝦,帶子都好fresh,牛剛剛好，不韌，有肉汁另外值得一讚是service,由入場打保齡的工作人員到餐廳的待應,都是笑面迎人,態度有善,服務細心
继续阅读
一班居住西貢區嘅朋友推薦呢間餐廳, 話好特別, 於是藉住周年紀念日嚟試試.餐廳位於翠塘花園附近一幢名叫CENTRO嘅商場內, 佔地2萬幾尺, 分開幾部分, 包括保齡球場, 輕食餐廳, 酒吧及FINE DINING SECTION. 各適其式, 總有一款啱你. 今晚我地嘗試了FINE DINING SECTION.沿住商場自動電梯上三樓, 一路上會見到有好多實木傢俱及裝飾品, 已經好吸引. 我地本身好鍾情泰國呢個地方, 對實木傢俱更加係情有獨鍾, 所以已經覺得好IMPRESSIVE. 入到餐廳更加 "嘩"一聲 ! 只要你細心觀察, 不難發覺餐廳主人放左好多心機去裝修.由侍應帶領下入到去FINE DINING SECTION, 完全係自成一角, 好有PRIVACY. 餐牌內有一款SET DINNER, 其餘都係A LA CARTE. 最後我地挑選了兩款頭盤加兩個主菜.頭盤1. BEEF TARTARE一碟成功嘅BEEF TARTARE, 首要條件舊牛肉必須新鮮, 呢一點絕對無問題. 調味方面廚師比較偏向保留原有肉味, 所以SEASONINGS方面比較穩陣淡口. 如果可以略為改進, 相信會更能提鮮.頭盤2. GRILLED SCALLOP一碟三粒帶子, 煎得好靚. 以MANDARIN SAUCE作陪襯, 但同樣地略為淡口保守. 主菜1. GRILLED M5 STRIPLOIN肉嘅質地好好無容置疑. 唯一失色係D PORCINI MUSHROOMS, 完全無味道.主菜2. GRILLED LOBSTER上碟賣相好靚, 廚師好細心地將龍蝦鉗肉同頭部嘅肉都取出, 非常方便進食. 調味方面比較突破, 廚師响個汁底上應該加入了一些HERBS, 所以味覺上較有層次, 值得一讚.整個晚餐過程都令人好舒服. 忘了一提, 麵包籃入面有BREAD STICKS, 我向侍應反映有點兒疏氣不脆, 廚師二話不說立刻重新焗過一籃, 服務態度完全值得一讚 !由於我地不嗜甜品, 所以選擇出去酒吧位置品嚐COCKTAIL.酒吧部分裝修都好細緻, 抬頭會發現店主擺放好多古董物件好似相機等, 音响方面亦好落本, 置身酒吧完全給你好自在嘅感覺.分別點了兩款COCKTAILS, PINA COLADA + COCONUT BERRY MOJITOPINA COLADA : 用椰殼盛住, 好吸睛. 味道方面好清新.COCONUT BERRY MOJITO : 飲嘅時候發現, 點解冰塊會黑黑地顏色, 細看之下, 原來冰塊內有薄荷葉, 即係薄荷葉連水一齊雪成冰塊, 呢個做法會令你飲用時, 冰塊慢慢開始溶化同時, 會帶出淡淡薄荷味. 由於有些人對薄荷葉並不受落, 呢個做法就吾會咁搶走杯飲品原有味道. 對於BAR TENDER呢份心機. 絕對值得一讚 !閒逛周圍, 發現輕食部分好大, 原來每個星期六晚都設有自助晚餐, 價錢$299/位, 可以一試. 另外店員亦介紹了星期五晚10-12點有個優惠, 保齡加啤酒有特價, 非常適合夜鬼. 一間餐廳的成與敗, 真係非常在於員工的服務態度及熱誠. 响BEACH BUMS & CANNIBALS你可以完全感受, 員工非常細心嘅講解及介紹, 令你完全有賓至如歸嘅感覺. 雖說話屬於西貢區, 但餐廳其實未入到市中心咁遠. 交通方面亦好方便, 巴士或小巴往西貢方向必經之路. 非常推介大家去試試.
继续阅读
24/12 平安夜，我同老公都冇特別訂枱去食飯臨急臨忙即管上網search下有邊度好去啦！我係open rice嘅「開飯相簿」比呢間餐廳嘅相吸引左，而且佢甚少食評，所以決定開車去西貢一試！佢位置其實好方便，揸車人士一定鍾意，有個超大嘅停車場（一定有位放心），只要你表明有揸車餐廳會比free parking 2hours 入到餐廳，簡直amazing!!! 每一個區域都可以搵到佢特別和用心裝飾嘅地方！有個高級保齡球場、2個酒吧區、3個老天區域、1個食buffet（連live band)、1個fine dine (連live band)平安夜我哋去咗fine dine區( private room 一邊大概有6 張枱+ live band) 浪漫浪漫老公揀咗個聖誕節套餐 total $560( 鵝肝，truffle soup, 歐洲M5牛，chocolate)-鵝肝：真係超級好食，高級貨-M5牛：肉質唔錯，煮完仲有小小汁，只有好小根-chocolate: 朱古力味濃郁，香滑！我就揀 a la cart ( beef tartare, seafood paella, fruit sorbet) -beef tartare : 係店員推介的，有個水煮蛋配合，生牛肉味好香甜-seafood paella: 係我本身比較鍾意食嘅嘢，所以點！我覺得佢相對比較貴，$399一份，女生個人食啱啱好，男仔可能就唔夠啦！佢加入左啲辣肉腸，刺激味蕾，但本人都係比較喜歡食傳統的西班牙海鮮飯-fruit sorbet: 後悔叫咗😝其實食物質素ok！唔係超級好食但係以節日 及fine dine 環境 實屬已經好好！如果本身鍾意打保齡一定係一個好正嘅地方如果下次有一大班朋友一齊打保齡我都一定會推介來呢間餐廳！
继续阅读
西貢建有不少的行山徑, 近年到西貢都是為了行山。這週末持續美好的藍天與白雲, 可惜身體些微感冒不適, 不宜過劇運動, 可是我們仍是到了西貢。 兩人换上了紅黑白三色的鞋子, 想起從拍拖到結婚那麽多年, 我們沒ㄧ起幹過這回事! 球道色彩幻變, 最前方裝上大屏幕，不斷在播放 MV。躍動的節奏, 畫面伴隨著𠾐𠾐的滾動聲音, 精神立即抖擻起來, 即時進入狀態，全程投入這回事裡.....猜不到初次的 Bowling 體驗就在西貢的「Beach Bum & Cannibals」發生了! 每條球道最前處均放置了實木坐椅及茶几, 空間寬敞，無論觀賞及參與 Bowling 也倍感舒適! Bowling 場地還設有洒吧, 提供各式飲品及小食, 配套完善。 雖然我倆不太熱愛 Bowling 運動, 但融入這時尚及熱鬧的氣氛中， 細胞也年輕起來, 老公尤其喜愛這𥚃的音樂，旁邊球道的ㄧ班小朋友也玩得十分盡情! Bowling 過後, 肚子在叫喊，我們順道在場地附設的餐廳享用晚餐! 大門口的設計也富有濃濃的民族風, 與木製檯凳很配匹。 餐廳內除了貫徹木製傢俬的風格, 可見吊燈, 地氈, 鏡架, 以至用色及大小裝飾品均費盡心思, 充滿店主個人的色彩, 聽聞是店主親自從世界各地搜羅, 而老公和我也是這類型木製傢俬的愛好者, 所以特別有著親切感! 餐廳還設有小露台, 景色開揚，是閒聊品酒的好地方。 侍應端來麵包藍, 正式進入晚餐的環節! 侍應非常細心友善，得知老公喜愛杯中物, 介紹了餐廳四款由紐西蘭酒莊、兩款提子釀製而成的自家品牌紅白餐洒! 整晚ㄧ共試了兩款, 可惜抱恙未敢品嚐, 不過看著老公滿足的笑容便醉了! 餐廳除了在傢俬, 燈光, 音樂, 色調和佈置等下工夫, 店主更找來三位ㄧ體, 來自西非, 歌聲, 笑聲及樂器演奏也同時令人溶化的樂隊, 為用餐帶來美好的氣氛! Beef Tartar with Slow Cooked Egg 餐廳提供晚市套餐及散叫菜式, 不想動腦筋的我選擇了套餐! 前菜是牛肉他他與慢煮雞蛋。 Beef Tartar with Slow Cooked Egg 將雞蛋拌匀 Parmigiano Reggiano 芝士與牛肉, 滑溜芳香的牛肉直達味蕾, 我更愛將牛肉與香脆帶鹽份的芋片配搭, 牛肉的層次感和味道即時變得更立體, 再咬ㄧ粒酸豆, 非常醒胃! Cream of Wild Mushroom with Truffle 磨菇湯香氣蕩漾, 湯感滑溜順𣈱, 雖然湯內並没有磨菇粒, 但濃厚的菇香, 再配搭黑松露的幽香, 很久没嚐過這㨾迷人的磨菇湯, 實在是驚喜! Grilled Wagyu Striploin 我的主菜來了, 份量之大令我有點吃驚! 除了兩大件厚身和牛㚈, 粗薯條, 小紅菜頭, 蘆筍, 牛肝菌等伴菜也美侖美奐、非常豐富。 Grilled Wagyu Striploin 大廚為桃紅鮮嫩的和牛配上青掓汁, 令人稱心滿意, 另ㄧ塊則與老公分享! Red Wine Poached Pear 甜品是我喜愛的紅洒梨子, 梨子非常入味, 香氣與甜度恰好, 加上玉桂的輔助, 美味得很。不過原來壓軸還有更精采的配搭 ㄧ 雲呢拿雪糕和香檳啫喱, 令人更依依不捨這道美妙的甜品! 晚市套餐連餐飮ㄧ共五個 Course , 光以質素和份量來評價, HK$599 絕對是非常超值及ㄧ試的選擇。 Grilled Hokkaido Scallops HK$189 老公較多心, 在餐牌上尋找各式心頭好, 頭盤選了烤北海道帶子。帶子半生熟, 更能突顯其鮮嫩甜美的本質, 同時拌上蔬菜汁, 松露羅勒青醬及雜菜, 令口感更豐盈! Alaskan King Crab Salad HK$219 隨後是加拉斯加皇帝蟹沙律, 味道及配搭也清新可口，份量足以二人享用。鮮甜芒果, 牛油果和獨特的粉紅雞尾洒汁, 令患上小感冒的我, 胃口也大開。 Lamb Rack Provencal 300 Gram HK$269 主菜是老公喜愛的羊架, 嬌嫩粉紅與豐厚的質感, 實在叫人垂涎! 熱燙嫩滑帶點脂香, 加上脆邊的羊架, 非常誘人, 而底部備有普羅旺斯蔬菜雜薈予以平衡, 整體令人喜上眉梢, 只怪老公太懂得選擇了! 美好的環境 美好的 Bowling 運動 美好的樂隊 美好高質的餐飮 美好親切的服務 不得不推介這美好的體驗 西貢不只可以行山，還有快樂 Bowling！這個聖𧩙假期, 不妨與家人及朋友到訪 「Beach Bum & Cannibals」!
继续阅读