kindergarten (已結業)

大坑都有好多出名既食店，今次比一间小红砖屋吸引左，一个礼拜前已然book定，reserve左一个tea set。环境及摆设呢间cafe以幼稚园为主题，整体上个feel都几童话得意。店里放左几本立体童话书，真系整到好靓，来到既客人应该都几有公徳，所以书唔算残旧。另外，铺头播啲歌实在一流！有yoga同方大同，个环境完全令我觉得非常写意！食物三个人叫左一个tea set加三杯iced chocolate。tea set最底层系三文治，中间系muffin同拿破仑，上层系tart同朱古力饀既东西。卖相唔系豪华，但有比心思整到得意啲，有小朋友食茶点既感觉。味道方面整体都好食，平时仲意食甜点多啲既我，竟然比较中意佢地既三文治，最中意系个旧应该系烟肉既三文治，甜点就最好拿破仑，tart比想像中失色，唔太中意个cream。果个iced choco一定要叫啊！落到劲足料，主要以朱古力涩味为主，所以饮哂成杯我都唔觉腻！服务个度既服务绝对一流！个waitress会主动帮我地影相，全程劲nice劲好笑容！另外见到有人倒泻野，个啲仲要系木枱好难清洁，佢都完全无不悦，态度值得嘉许！！呢间cafe绝对值得再来一次 ！