A la maison XXL Seafood & Grill (已結業)

睇同事Facebook post相，见到个seafood platter劲吸引，所以班friend话要庆祝圣诞，我即刻建议黎试下。我同朋友都好钟意食海鲜，一黎就order个signature tasting platter，龙虾肉实净、几爽口；面包蟹膏超正，鲜甜；仲有蚬、虾、翡翠螺同生蚝，生蚝好新鲜，每人食左只，唔多够喉，所以再叫多半打！前菜点左个凯撒沙律，不愧系XXL，沙律大份到Ｏ咀，食埋个沙律都半饱。另外仲点左客焗德国咸猪手，皮都脆脆地，唔硬，肉味浓，连酸菜我都好钟意，酸度岩岩好！鱼汤咸左少少，反而另上嘅鱼肉唔会太老，几好食仲叫左饭同墨鱼仔，味道唔错，不过墨鱼仔「淋」左Ｄ，口感怪怪地......我地叫侍应推介支果味浓嘅红酒，呢枝几易入口，唔错！下次同朋友gathering我都会推介呢度。