影片
更多
2019-03-13
38 浏览
Amitie Kitchen放咗工喺尖沙咀觅食， 嚟到呢间喺楼上嘅店舖环境优美，系一个唔错嘅聚脚点，而且店入面仲有两间独立房，可以约埋一大班朋友开party精选晚市套餐有五款， 价格有200至400蚊不等头盘嚟喇 餐包有两种， 圆形𠮶款比较软， 而长条𠮶款呢就比较硬， 于是我就用咗比较硬𠮶一款餐包嚟到点餐汤食， 而是日餐汤系姜汁甘薯忌廉汤， 个餐汤比较浓同杰， 味道唔错， 感觉有少少似食紧蕃薯糖水， 而餐包下面系洒满芝士粉嘅脆饼条，食落口香味十足，点餐汤一齐食都好好味香煎西班牙墨鱼仔配辣肉肠(左)酱汁食得出有好强烈嘅柚子味， 估唔到有同沙律菜辣肉肠咁夹㖞烧红菜头、菲达芝士合桃沙律伴黑醋汁(右)红菜头味道浓烈，粒粒合桃令到沙律更有口感， 而菲达芝士中和黑醋嘅酸味令到成个感觉唔会太腻芝士bbq酱烧美国猪仔骨(3支骨)猪仔骨上面有大块芝士呀 而且摆盘亦都好靓， 当然就梗系相机食先啦， 然后再到我慢慢享用， 猪仔骨两边煎到有少少脆口， 加上酸酸甜甜嘅bbq酱味道突出， 食落口唔觉油腻，芝士成为咗呢度煮菜嘅点缀 原先以为得三支骨会好少， 点知嚟到都有成块扒咁大， 薯条炸到金香脆口， 加上炸过嘅香
放咗工喺尖沙咀觅食， 嚟到呢间喺楼上嘅店舖
环境优美，系一个唔错嘅聚脚点，而且店入面仲有两间独立房，可以约埋一大班朋友开party
精选晚市套餐有五款， 价格有200至400蚊不等
头盘嚟喇 餐包有两种， 圆形𠮶款比较软， 而长条𠮶款呢就比较硬， 于是我就用咗比较硬𠮶一款餐包嚟到点餐汤食， 而是日餐汤系姜汁甘薯忌廉汤， 个餐汤比较浓同杰， 味道唔错， 感觉有少少似食紧蕃薯糖水， 而餐包下面系洒满芝士粉嘅脆饼条，食落口香味十足，点餐汤一齐食都好好味
香煎西班牙墨鱼仔配辣肉肠(左)
酱汁食得出有好强烈嘅柚子味， 估唔到有同沙律菜辣肉肠咁夹㖞
烧红菜头、菲达芝士合桃沙律伴黑醋汁(右)
红菜头味道浓烈，粒粒合桃令到沙律更有口感， 而菲达芝士中和黑醋嘅酸味令到成个感觉唔会太腻
芝士bbq酱烧美国猪仔骨(3支骨)
猪仔骨上面有大块芝士呀 而且摆盘亦都好靓， 当然就梗系相机食先啦， 然后再到我慢慢享用， 猪仔骨两边煎到有少少脆口， 加上酸酸甜甜嘅bbq酱味道突出， 食落口唔觉油腻，芝士成为咗呢度煮菜嘅点缀 原先以为得三支骨会好少， 点知嚟到都有成块扒咁大， 薯条炸到金香脆口， 加上炸过嘅香草菜， 味道唔错，而份量亦绝对可以满足到我个肚仔
芝士芝士，好大块芝士
北海道带子蘑菇意大利饭伴黑松露
侍应未行都埋嚟已经闻到阵阵嘅黑松露香味， 令到大家嘅注意力不禁集中咗喺侍应身上， 带子粒粒都好大粒呀而且仲好厚添， 两边煎到金黄色好香口， 意大利饭上面有一片片嘅硬芝士， 令到成个饭嘅香味更加高， 当我食第一啖饭嘅时候就发觉原来个饭除左有黑松露仲有落左芝士煮，令到饭与饭中间有好多拉丝嘅芝士出现，味道极为香浓，食落口香气直逼鼻腔， 可以用香浓美味嚟形容呢一个饭 而且份量都唔少㗎
带子带子，好大粒带子
热情果芒果橙红茶
一鼓香甜味扑入鼻腔， 饮落清清淡淡
宇治抹茶牛奶朱古力
饮落淡淡嘅抹茶味渗出嚟， 牛奶朱古力唔会太过甜， 而最令我惊喜嘅系上面嘅cream， 佢嘅cream硬身得黎仲有D似食紧雪糕，几特别
2个人埋单500蚊有找，仲要食到抱住个肚仔走
整体嚟讲呢间舖头嘅食物质素真系唔错，有惊喜，而且环境舒适， 好适合一班朋友嚟聚旧聚餐嘅地方，正
张贴
