ASAP As Simple As Possible

营业中

休息中

环境：文化砖墙加上一个笑样，番茄嘅霓虹灯，一盏炒蛋灯，仲有色彩缤纷嘅墙画，感觉好开心好有活力。食物：有两个餐牌，一个主要系三文治比较茶餐厅啲嘅。另一个就系热食，以奄列饭为主，汤/沙律+主菜+饮品($64-78，冇加一)粟米汤：叫果阵好担心系开罐头，好在系用新鲜粟米打成，浓郁甘甜。仲有好多粟米食，饮一啖汤要“口赵”10吓，真系好忙....番茄汤：用新鲜番茄打成，加上好多番茄碎，好酸.... 但诚意搭够！咖喱牛肋肉奄列饭：有6块牛肋肉，以咁嘅价钱算多。旁边有一砖暖嘅白饭，上面就系炒得好滑嘅热炒蛋。牛肋肉有少少肥膏黐住，都唔算韧，但食完6块点都要撩撩牙.... 我唔食得辣嘅，都有啲惊个咖喱汁会辣，因为餐牌话系特浓咖喱。但好在我食得到，只有好少好少辣，而对啲食辣嘅人嚟讲呢个一定完全唔辣啦。个饭捞咖喱汁好开胃，虽然碟头几大不过食得晒！不过个咖喱汁好似油咗啲啲...吉列猪扒奄列饭配忌廉蘑菇汁：有4块猪扒，不过个样似炸鸡多啲。炸粉都唔算厚， 有啲似KFC嘅松饼， 而且炸粉同猪扒冇分开，肉质亦都软滑唔油腻。蘑菇汁有菇碎&大粒嘅菇，都几有心思唔系用罐头蘑菇汁，捞饭食都唔错，不过好似咖喱汁捞饭吸引啲～冻柠