Deluxe Bakery (已結業)

难得去开中环工作，当然要食尽佢啦。 事前已经布署好， Lunch time买一间蛋糕店，放工再买一间蛋糕店， 咁就可以满足晒两个胃啦。既然部署好，就系Lunch time 拉埋同事去买蛋糕，等一阵Tea time有著落。见到甜品柜有好多造型好靓， 应该系用朱古力枪喷咗 一层朱古力 coating嘅蛋糕， 骤眼睇都值$40一件嫁，但大部份蛋糕都只系卖$20＋，又真系估佢唔到。不过，通常呢啲咁靓嘅蛋糕， 可能都会落咗好多鱼胶粉，而影响口感， 所以我就买咗 chocolate brownie同 Oreo cheesecake cake/ tart， 测试吓佢嘅真功夫。我就觉得chocolate brownie 胜在唔太甜， 又有好多合桃，令口感更加丰富， 虽然有少少干，但都唔会失太多分嘅，所以我投 chocolate brownie一票；但同事就觉得 Oreo cheesecake cake/ tart 味道浓郁啲....... 结果当然系。。打和。虽然唔系用最靓嘅材料，但价钱又真系几经济， 如果顺路经过，都系一试无妨嘅。