Babbo Trattoria (已結業)

朕今日又出左铜锣湾寻食，好似好耐未食过意菜，于是朕就吩咐贴身随从Check下有边间意菜好食，随从就提意左呢间Babbo Trattoria!朕先点左酥炸海鲜拼盘，有新鲜大虾，鱿鱼同埋青口，炸物香口，再加少少青柠汁，增添清新香味。再黎个西西里蕃茄海鲜汤，汤料充足，有鱿鱼大虾同埋蚬肉，汤有淡淡既蕃茄味，浓浓既海鲜味，份量十足！主菜朕就点左USDA美国顶极窑烤牛小排，Babbo用上窑烤牛排，窑烤炉加热后温度可以高达400度以上，能急速封住牛排外表，令到牛排外表酥香，一切开则像果冻般嫩红，咬落鲜嫩多汁，再配搭蔬菜，马玲薯同埋磨菇，份量十足又好味！朕既贴身随从就点左个《特制乌鱼子鲜虾蕃茄吸管意粉》，有鲜虾又有大量既乌鱼子，另外比较特别既系平时食意粉朕系一口啜入去，但系吸管意粉因为中间中空，如果你用气大力吸，你只系会吸到空气，意粉原封不动，小心，小心！另外而家到Babbo打咭同埋赞好专页，Babbo会每两人送半只《爆芝龙虾》，正所谓有肉唔食，罪大恶极，朕梗系唔客气啦，龙虾肉非常弹牙，鲜味香浓，加埋个爆芝汁同埋龙虾膏，鲜味澎湃。最后朕点左杯新鲜奇异果汁，清新润喉，为呢一餐丰富既意菜画上完美既句号。。