Backyard (已結業)

荃湾食饭除左路德围之外亦有不少选择，其中中染大厦翻新后既“8咪半”更有不少餐厅进驻，今日就同大家推介一间有诚意又实惠亦相当有水准既餐厅-backyard餐厅的第一印象，一踏入门口已经觉整个格调同气氛同外面完全不同，低调而不失雅致，店内多设卡位雅座与低光环境极具私隐度，非常适合与朋友餐聚。食物方面，我点了bbq猪肋排伴薯菜，猪肋排肉质软熟外亦有保留到肋排应有既质感，亦非常好处理不会切到狼狼狈狈。而bbq汁既处理亦相当有水准，食得出系有涂上三四层酱汁，绝非行货。薯菜是炸到外脆内软既薯条同黑醋汁沙律，就算系自己一个单点一份都够食。而同行友人就拣了5成熟既法式羊架配香辣青柠汁，羊架本身唔差食得出系有质素既羊架，但系熟度选择方面就推荐大家拣返3成会好少少，另外一提近骨位置会较重羊味，怕羊味既朋友仔就要留意啦。最后想讲，我就叫左一杯青柠梳打，服务员好细心咁问我会唔会太重梳打味同埋够唔够甜，认真服务一流！系荃湾呢个价位有咁既服务同食物质素，我敢讲无乜边几间做到！