Bake N Grill (已結業)

好少嚟鲗鱼涌呢边！朋友话新开咗间餐叫我过嚟吓！面包外脆内软，而且仲系温暖嘅！旁边嘅并唔系普通嘅牛油同香草酱，而系餐厅特别自家嘅蒜蓉牛油同香草酱，两者加系面包一齐食真系回味无穷！我都系第一次食到鸭肉批，感觉几特别！伴碟仲有多士，可以当系酱伴多士食！至于鸭肉批面系用君度酒整嘅，加上面放有橙皮，所以食落去有淡淡嘅橙香味！下面一层除咗鸭肉之外，仲加有鸭肝嚟整，所以好香滑之余仲有好浓郁鸭香味！见到呢个洋葱汤简直系惊喜！个汤用咗三种唔同嘅芝士嚟整！有我最钟意嘅巴马臣芝士、瑞士芝士、格鲁耶尔芝士！仲用咗2个洋葱先可以做到呢碗小小嘅洋葱汤！所以味道十分浓郁、鲜甜、好厚身，仲有浓浓嘅芝士味，如果钟意芝士嘅朋友一定要试！活性水饲猪我又系第一次听到呢个名！原来只一出世就食谷物、粟米、日本米，而且饮用嘅系日本矿泉水，所以半生熟食都冇问题！因为未试过嘅关系我都系要咗7成熟！餐厅采用炭烧嘅方法，所以外脆内嫩，肉质粉红鲜嫩！我觉得下次可以试吓5成熟，应该用更加嫩滑！其实食完个洋葱汤我已经饿咗大半，但系食呢个猪一D都唔觉得济，所以我对呢餐绝对满意！