影片
更多
2019-07-16
2713 浏览
有个都真系几耐无见o既朋友，上次见面o个阵佢都仲未毕业，而家已经系个才俊，年轻有为。咁约食饭当然要拣番d 符合佢身份o既餐厅啦，都系睇下steak house 或者restaurant bar 咁，最后book o左呢间bar。在场所见，平日晚上都好full，好在有book 台。餐厅有两层，地下较外面亦即系我地坐o既位置以粗石砖墙装饰为主，配上高台高凳；里面则用上酒窖色tone，d 台可以并做一齐成为长台。而虽然坐唔到上层，但我之前从openrice 睇上面有住好靓o既古典大班椅，好有private clubhouse o既style！set dinner o既是日餐汤系洋葱汤，高汤之中，突显住洋葱淡淡o既清甜。法式o既食法配上法包，浸透食用，令到只包无咁硬身更易于入口。头盘我地都叫o左半熟吞拿鱼伴三文鱼子，佢唔系日式o个只用明火烧至半熟，反而系透过熟成处理，令到口感结实如烟肉，又多种芝士发酵o个类o既气息，味道甚佳，非常推介！我地其中一个主菜点o左美式烧烤酱烤白春鸡配中东米、火箭菜沙律($278 未加一)。只鸡外层泛起油光，搽上o既酱汁浓稠而惹味。中东米睇起上o黎好似d 好细粒o既米
在场所见，平日晚上都好full，好在有book 台。餐厅有两层，地下较外面亦即系我地坐o既位置以粗石砖墙装饰为主，配上高台高凳；里面则用上酒窖色tone，d 台可以并做一齐成为长台。而虽然坐唔到上层，但我之前从openrice 睇上面有住好靓o既古典大班椅，好有private clubhouse o既style！
set dinner o既是日餐汤系洋葱汤，高汤之中，突显住洋葱淡淡o既清甜。法式o既食法配上法包，浸透食用，令到只包无咁硬身更易于入口。头盘我地都叫o左半熟吞拿鱼伴三文鱼子，佢唔系日式o个只用明火烧至半熟，反而系透过熟成处理，令到口感结实如烟肉，又多种芝士发酵o个类o既气息，味道甚佳，非常推介！
半熟吞拿鱼伴三文鱼子
77 浏览
0 赞好
0 留言
半熟吞拿鱼伴三文鱼子
78 浏览
0 赞好
0 留言
我地其中一个主菜点o左美式烧烤酱烤白春鸡配中东米、火箭菜沙律($278 未加一)。只鸡外层泛起油光，搽上o既酱汁浓稠而惹味。中东米睇起上o黎好似d 好细粒o既米饭，但其实佢唔系谷粒，而系将d 小麦粉整到好似饭咁，见佢再混以蕃茄同西芹粒一齐，连同上头o既火箭生菜，食落健康得o黎又几有风味。
美式烧烤酱烤白春鸡配中东米、火箭菜沙律 ($278)
40 浏览
0 赞好
0 留言
至于另一个餐，就嗌o左法式半熟鸭胸配鳀鱼、牛油焗薯、车厘子汁($298)。肥美o既鸭胸内层仍然略带粉红，外层则煎得甘香。用上车厘子汁感觉即时high class o左一个层次，佢o既味道有d 似梅子酱o个种甜味，却又多种生果o既果香，而虽然无写明，佢仲附上另一只菠萝酱，一样咁味美。两小条鳀鱼好重腥味同埋可能加o左少少柠檬汁，比较重口味，配上焗薯正好中和一番。
法式半熟鸭胸配鳀鱼、牛油焗薯、车厘子汁 ($298)
57 浏览
0 赞好
0 留言
跟餐有个小小甜品面包布甸，蛋香唔错，本身亦都唔会过甜。小小一间bar 都能整出decent o既多国菜，虽然价钱属于中上，但仍然都几值得。
张贴
