鴻運食菜館

营业中

休息中

今日去左旺角行街顺便揾食，见到有间食酸菜鱼，大热天时最啱啦，闻到都开胃，就入去试下。酸菜鱼小份（bb辣）🅰️🅰️🅰️🅰️🅰️一上枱就哇左出声，劲大份。我地三个人见到都惊食唔哂（最后真系要打包一碗走😂）讲讲味道先，金汤够哂浓味，酸味都正常，鲈鱼好滑，有鱼味。下面有d米粉垫底，索哂d汤汁好正。老板娘好好人，知道我地有人唔太食得辣，专登帮我地bb辣再低一级😝咁唔太食得辣嘅朋友都食得好开心。三色椒炒米粉🅰️🅰️🅰️🅰️🅰️同样好大份🤣米粉炒到好干身，酱汁味都算系炒哂入去个粉到。呢个菜式系唔辣嘅，用嚟中和个辣度啱啱好。川味冻粉🅰️🅰️🅰️🅰️个冻粉几特别，似食紧蒟蒻咁，我地都系贪新鲜试下，估唔到都系一个几好嘅前菜。呢个麻多过辣，唔算辣，食得几过瘾。总括嚟讲，系旺角区有间小店，份量多、老婆娘又nice，好好照顾我地未必食得辣嘅朋友，价钱除开真系好抵，尤其个酸菜鱼我谂四个人食都够，再叫其他菜式同啤酒啤啤佢就一晚🍻推介大家嚟试！