鴻運食菜館

营业中

休息中

今晚朋友帶咗我去旺角食晚飯，鴻運食菜館裝修簡潔，主打地道川菜。老壇酸菜魚用古法炮製，生魚片配以魚骨湯，湯頭濃香，味道鹹中帶鮮，麻中帶點辣，吃來不覺油膩，魚片肉質好爽滑，大件兼厚身，加埋大豆芽和酸菜等，整體惹味也不會太油。小酥肉四川重慶美食，即叫即炸，酥肉外脆裡酥，椒麻唔辣， 豬腿肉，肉香味足， 非常入味。三絲炒米粉：份量十足，用料豐富，炒得夠鑊氣，米粉爽口，加上大豆芽、菜和肉等材料，無論味道和口感都極佳。

放工同朋友去旺角行街街再食個晚飯，通菜街兩側好多餐廳！見到有間川菜館有好多菜式選擇，決定試試！酸湯檸檬魚 (鱸魚/小份) $198————————————餐廳有各款湯烹魚同烤魚，款款都好惹味咁，好難揀呀🐟最後我喺四款招牌湯烹魚之中揀咗酸湯檸檬魚🍋夠特別，酸中帶辣，好開胃！餐廳嘅魚都係新鮮入貨，鱸魚啖啖肉，配上酸湯檸檬都好夾！川北涼粉 $48————————————長方柱形嘅涼粉，配上辣椒紅油🌶️芝麻蔥花等等，涼粉入口好滑好掛汁好入味，食到口水直流🤤口水雞 $78————————————雞皮同雞肉都好嫩滑，仲好入味，入口有點涼涼。唔會有白切雞與辣油，雞還雞，醬還醬嘅感覺。配上芝麻、蔥花、辣椒紅油，非常開胃。加埋啤酒真係啱晒feel🍻

旺角d小巷都幾多餐廳，呢個隱世食川菜嘅小餐館都多人食。見到都係食d四川菜，酸或者辣嘅特色小菜。藤椒魚生魚 小份 $168有幾款魚可以叫，我地叫左生魚，另外叫左小辣。一上檯見到都幾大份，好彩叫左小份。魚身起左肉，部分有連骨，魚頭魚腩都有係到。藤椒個味幾香，味道麻麻地又有d後勁。個辣雖然叫左小辣，不過食落都真係幾有辣度，可能本身唔太食到辣，下次會想食返bb辣安全d糖醋裹脊 $98裹脊切到一條條咁，有炸粉炸香炸脆過。上面淋左d蕃茄糖醋汁，味道酸酸甜甜咁幾開胃白飯 $10可樂 $10

身處女人街的這家川菜小店，無疑是一個美食寶地。主打正宗重慶川菜及多款粵菜，價格同服務都好親民其中招牌菜*老壇酸菜魚很推薦的！ 有三款魚，及大小份盤揀。 我選了新鮮生魚，爽滑鮮嫩，比較多骨但仍可接受。 湯底濃郁，酸辣適中，加上大量配料如芽菜、酸菜和粉絲，層次味道豐富，絕對是一道賣相及味道兼備的經典川菜。除此之外 *乾鍋肥腸 亦很多人喜歡，香辣馥郁，肥而不膩，外脆內軟，是白飯的絕佳伴侶。至於小菜，可選*淮山炒木耳，清新爽口，有助解膩

通菜街以小販攤檔而出名，其實通菜街兩側都有好多臥虎藏龍嘅餐廳，今日俾我發掘到呢間主打四川菜嘅鴻運食菜館🤩餐廳近乎滿席，入面非常熱鬧，老闆亦同大家有講有笑。我哋一共叫咗三道菜，包括酸湯檸檬魚、熗炒蕃薯葉同掠拌魚皮。- 酸湯檸檬魚平時食得多酸菜魚，今次試吓餐廳另外一個招牌酸湯檸檬魚。入面真係有一片片檸檬，湯底味道更加酸甜，非常開胃，酸中帶少少微辣。鱸魚片無骨，魚身嫩滑，大大片份量又多😍- 熗炒蕃薯葉自己非常鍾意番薯葉獨特既甘甜味道，番薯葉炒得啱啱好，保持清脆嫩綠，蒜蓉粒增強左番薯葉嘅鮮嫩口感，- 掠拌魚皮魚皮晶瑩剔透，口感比起以前我喺其他餐廳食過最爽脆，而且麻香十足。魚皮下面仲有花生同青瓜，可以中和一下麻辣帶嚟嘅油膩感。我食過附近街頭嘅另一間四川餐廳，我覺得鴻運食菜館更加地道同抵食，餐廳仲有提供烤魚同串燒🥰

旺角女人街兩側既餐廳繁多。無論日本菜。打邊爐。韓國菜。港式。越式等等。但最近幾個月。我朋友介紹要去食。因為他老婆系極之喜歡食正宗泰國菜式。他同老婆上星期食完就不斷介紹身邊朋友去嘗試！涼拌魚皮。一般魚皮都是傳統中式薑絲蔥去混合。但這餐廳好有趣地將魚皮切細粒壯。配上麻辣醬汁與魚片串聯上。入口先麻後辛辣。完全入門者都可接受水平程度。奇味雞煲。材料豐富。配料百花百門。再配上獨特奇味醬汁。成個煲己經夠獨特之處！再配上靚雞件&秘製醬料。更加難以忘懷！雞肉既肉質入口彈牙。肉質鮮嫩。肉汁滿瀉！

同朋友喺旺角聚下，然後朋友推介嚟到位於旺角通菜街既鴻運食菜館食晚飯。首先叫左口水雞，雞肉都算鬆軟，食落都唔算辣。店內標榜以新鮮魚製作，招牌之一就有老壇酸菜魚/酸湯檸檬魚/藤椒魚同埋麻辣水煮魚。魚方面可以揀生魚 ($168/小份, $198/例牌)、鱸魚 ($198/小份, $258/例牌) 或者桂花魚 ($288/例牌)，辣度可以揀BB辣、微辣、中辣同埋特辣。我地就揀左桂花魚，肉質都算有彈性。其他菜式包括有江湖烤魚同小龍蝦，當中烤魚有麻辣、蒜香同泡椒口味，魚就可以揀海鱸魚 ($228)/鉗魚 ($258)/江團魚 ($288)，配肥牛同寬粉就分別加$88，選擇左江團魚，魚肉都算滑，而寬粉有彈性，亦可以索晒啲汁。

旺角通菜街好多野食同餐廳，今日同朋友試「鴻運食菜館」。知道呢間餐廳食川菜，本身都怕d野食會辣，好彩都有唔辣嘅食物選擇～👍🏻一坐底侍應就遞上麥茶。幾好飲～消滯解膩～👍🏻見到餐廳寫：所有菜品所均不含添加劑及防腐劑。食得放心～👍🏻👍🏻❤️糖醋裹脊酸酸甜甜的蕃茄配外脆肉嫩的豬肉，開胃又醒神！❤️山藥炒木耳山藥切成薄片，十分爽脆！落左蒜蓉和芹蒜去炒，香口又清新！❤️蛋炒飯份量超多，成座山咁高！😮除左蛋花重有蔥花。炒飯夠乾身唔會油，粒粒分明有鑊氣。要特別讚一讚老闆娘的服務態度很友善～👍🏻

最近真係好多川菜館打入香港市場，老實說，我真係好鍾意食川菜，今次就比我係旺角搵到間平民價得來又要味道👅極地道好味既川菜，小柔強烈推薦😋位於旺角通菜街既——鴻運食菜館，來到門口已經見到🐱貓店長飛飛係度迎接我們，超嗲既貓貓令人覺得好溫暖。呢度唔會好花俏的裝潢，菜式如圖片，味道👅更是沒得頂。呢度出名烤魚，今次沒食烤魚，反而點左幾個地道小菜，送飯一流又開胃。1. 四川回鍋肉 🐷🌶️$88 2. 薑蔥炒雞 🐔$1083. 鹹魚茄子煲 🐟🍆$78三個菜式都超級好味又夠入味，全部正宗又熱辣辣送上，正宗川菜味道極佳👍🏻再次大讚最後一提，老闆娘又好nice, 服務好，野食味道好，價錢也不貴，值得翻吃😋

有時食飯好隨心，呢日就係咁嘅情況，同朋友🙆🏼‍♀️喺旺角呢條街行吓，見到呢間，咁就入去醫肚🤣$68「蒜蓉炒油麥菜」：油麥菜新鮮爽脆，蒜蓉炒簡單好食，仲好大碟🤩$88「四川回鍋肉」：回鍋肉有強勁鹹鮮味，味道真係超級濃郁，回鍋肉薄切，半肥瘦，加埋青椒紅椒洋蔥等一齊炒😋$78「口水雞」：叫咗BB辣，真係唔係好辣，口水雞上邊有好多碎花生蒜蓉等，所以更加香口🤣$88「農家小炒肉」：小炒肉肉質幾軟熟，加咗超大量青辣椒一齊炒，都係味濃香口😋

一家隱世地道川菜館，有十分正宗的重慶美食，見到有地道四川人特地來光顧。這天與朋友慕名而來，試試味道有多正宗吧！這裏的烤魚、酸菜魚、水煮魚都很出名，用的是新鮮魚，即場製造，新鮮惹味。涼菜完全就是地道小吃，送啤酒一流。點了酸湯檸檬魚，生魚片小份$168。在香港吃川菜，酸湯檸檬魚做法比較少見，這裏有正宗川菜師傅，當然要試試！雖然點的小份，但魚片份量二人吃也足夠，大片厚肉，少量魚骨可接受的，但不會吐骨的朋友就建議點桂花魚。墊底有粉絲、芽菜、黃芽白，吸收了檸檬酸湯味道，有魚湯鮮甜，又有檸檬酸香，這酸香程度適中，超級開胃，整盤魚連湯都吃光光，配飯吃更醒胃。涼拌魚皮$68，小辣程度，麻香十足，魚皮超級爽口，夾起晶瑩的魚皮，就覺得滿滿骨膠原，女士要吃哦。魚皮份量也不少，墊底有青瓜片，中和辣味，增添清香，是正宗川菜吃法，不過吃著就會越來越麻辣啊！蒜泥黃瓜$48，堆滿一小碟的青瓜粒新鮮爽口清香，記得蒜泥和醋要拌勻吃，微微酸味又有生蒜泥香辣味，爽脆清新，是夏日必點的涼菜。二人埋單$284，吃得滿足，試到酸湯檸檬魚，非常滿意！味道和份量交足功課，下次還要來試這裏的烤魚。

鴻運食菜館蒜香烤海鱸魚 ($228)​娃娃菜 (+$38)寬粉 (+$38)好耐冇食過烤魚啦，今日就特登嚟試一試先😛一入到去就見到位置唔算好多但係就坐得好闊落，同埋聞落已經有好強嘅烤魚同埋酸菜魚嘅味道，真係幾正😝😝我就叫左蒜香烤海鱸魚，好好嘅係仲可揀食咩辣度，唔食得辣嘅話都唔使驚架👍🏻首先成煲烤魚嘅配料真係好多，有萵筍又有薯仔🥔好吸引呀！條魚都好大條，真係夠哂兩個人去食，而且浸住啲汁都令到食嘅時候多左好多香味🤩🤩食落口魚骨都係算少，加上都仲係有香脆嘅口感，真係幾好食😋另外我都加左娃娃菜同埋寬粉，我覺得呢兩樣配餸真係食烤魚必須要有嘅😆娃娃菜好入味，食落都好爽脆，而寬粉都係好吸湯，口感都好滑爽同彈牙，食落真係好正！😋評分：9/10旺角通菜街2A-2P號鴻光大廈地下P號舖

位於旺角的這家中式餐館,以其精湛的烹飪技藝和道地的菜。今天我和朋友特意前來品嚐他們家的招牌菜酸菜魚,這道菜絕對稱得上是一絕。碧綠欲滴的酸菜,鮮嫩多汁,散發出陣陣迷人的酸甜香氣。再看看那鮮紅色的魚肉,肉質細嫩,入口即化,煙燻味道恰到好處,絕對是一大亮點。當酸菜與魚肉交織在一起時,形成了一種獨特而動人的口感,酸甜交織,餘韻悠長,令人百嘗不厭。湯汁方面更是精髓所在,濃郁醇厚,帶有淡淡的煙熏味,與酸菜和魚肉相得益彰。光是沾上一點湯汁,就已經足以令人陶醉其中,難以自拔。整道菜式的色、香、味俱佳,真可謂是一道經典之作。

早前我行行下街想食酸菜魚，身邊朋友介紹附近旺角有間叫「鴻運食菜館」，屬小店模式，老闆娘親力親為，食物水準都不錯的！👍老壇酸菜魚我們見餐牌有多款魚可選擇，我們選左鱸魚🐟，魚質嫩滑可口，份量豐富，酸菜味剛好開胃極！另外都有不少小菜， 我們再點了入淮山炒木耳因最近食得太多肉，都想清少少😆， 呢款小菜都好有鑊氣，淮山炒木耳再配西芹，新鮮又健康！鴻運食菜館📍地址：旺角通菜街2A-2P號鴻光大廈地下P號舖

天氣熱食川菜格外有feel🤓 哩間簡直係喺旺角嘅隱世小店，店舖雖然細間，但賣點係佢家族式經營，職員之間關係好好，合作融洽，會比到食客一種家的感覺 🏠 ..➊ 🌶️🐠 老壇酸菜鱸魚 $198呢個係餐廳最極力推介嘅酸菜魚，冇理由唔試一試佢🐒 真心唔錯喎，酸菜味濃，鱸魚肉質嫩滑冇骨，而且好足料，兩個人叫個細份都好夠食🫢 今次揀咗微辣，感覺啱啱好，唔會因為太辣而遮蓋咗酸菜嘅味道，鍾意食辣嘅朋友可以揀中辣同特辣🤓 魚有其他款選擇，可以揀桂花魚同生魚🐠..➋🌶️🐔 山城辣子雞 $128哩個同出邊食開嘅辣子雞唔同，佢係用原隻雞斬件再攞去炒，而唔係平時食開用無骨雞肉去炒😯 雖然要吐骨有啲麻煩，但咁樣煮個雞味反而更加濃厚🤤..@lamlamfoodie