Misu Seafood Cuisine

营业中

休息中

今日老公生日， 决定食餐好。首先称赞下， 服务一流， 员工们笑容满面。我地叫左下面食物：#烧鸡泡鱼干# 烧得好干身， 但仍然好软熟👍🏻#苹果烟薰拖罗（大腹）# 拖罗入口即溶， 烟薰味道特别， 必试#二人餐包鱼生、沙律、寿司， 6oz 安格斯牛扒，慢煮八爪鱼意大利饭，牛奶布丁～$598#寿司、意大利饭同埋甜品， 诚意推介； 寿司米软硬适中，味道亦非常好； 慢煮八爪鱼🐙，煮得好林 ，唔需要咬餐死， 意大利饭个汁100 分，亦都唔会煮得个饭太湿； 个牛奶布甸系用3.6 牛乳做， Whipping cream 份量好多， 食落口感好浓厚。至于， 安格斯牛， 我觉得一般， 唔系我杯茶。最后， 一定要推介北海道花咲蟹我只$1380 ， 有成2斤几， 肉质好鲜甜， 份量足，肉质结实，而且油脂够多，味道比鳕场蟹及黄帝蟹更浓厚。再加埋餐厅自加制醋汁（类似大闸蟹醋）， 酸酸甜甜， 令到味觉更上一层楼。如果唔食蟹， 只系食二人餐，其实几百蚊已经埋到单。