荳子 (新都會廣場)

营业中

休息中

经过门口，睇到餐牌有新菜式，就入去试吓啦！店员带你到座位前，会叫你先用喷雾喷一喷手。二人枱很细，放咗两碟菜之后就已经冇位，很迫挟。当晚时间尚早，餐厅仲有吉枱，便要求店员要张大小小（即四人）的枱，但店员说安排唔到。过咗一阵，店员突然将隔离枱拉到嚟，将我俩的枱变成四人枱，此举动有点奇怪，因为隔篱枱都系两人，但本来佢哋系坐紧四人枱。🌱意式香草烤五花腩卷红菜头沙律五花腩皮微脆带韧，虽然有油分，但肉质比较干身，蕃茄口感很生，好似冇煮过，洋葱甜美，羽衣甘蓝口感唔会硬挖挖，红菜头沙律打成蓉，味道清甜，但份量太少。🌱烤杂菜南瓜暖沙律南瓜烤过，口感软腍微甜，车厘茄胀卜卜，入口咀嚼即爆汁，薯仔口感唔会太粉，孢子甘蓝很硬而且有苦味，🤔秋葵又有种奇怪的味道，个3片类似班戟质地配上南瓜蓉又几好食㖞！座位分配有待改善，食物份量可以多番少少。