影片
更多
2017-07-30
479 浏览
今日同朋友经过佐敦，谂住去澳牛食个LUNCH，点知排长龙。见到对面有间新餐厅，就过去睇吓，见到门口写住全日免收加一，啲套餐又几抵食，一于入去试吓。店内装潢……睇唔出系咩风格，一边墙有啲黑胶唱片，另一边墙就画咗啲食物，但全店都系卡位，坐得几舒服，而枱面就有啲图案色泽鲜艳嘅瓷砖。以黑胶唱片装饰全日特价餐，真系几抵，几十蚊咋。最贵嘅西冷牛扒套餐都只系$88汉堡套餐，睇相就好大份，款式都唔少，加$25可以升级疯薯，饮品方面加$25仲可以饮英国手工啤酒等各种酒类。我地想叫双层安格斯芝士汉堡，店员温馨提示话呢个餐通常啲食客都系share食，因为几大份量。仲有优惠加配: 每款套餐如果加配以下三样野其中一样都可以减＄20。优惠加配我哋拣咗香浓龙虾忌廉汤，原价＄48，而家即系＄28。饮落味道不错，份量都多，佢叫「香浓」不过我觉得稍微稀咗啲。而入面只有一只虾，不过只虾就食得出好新鲜爽口。原来个套餐仲包每人两片蒜蓉包，蘸吓龙虾汤食又几好味。白酒焗鲷鱼柳伴柠檬牛油汁配薯蓉＄68，已包是日餐汤（忌廉汤）、主菜、饮品。鲷鱼柳好大块，下面仲有一大堆薯蓉，「埋住」西兰花同蕃茄，再下面就有好多白酒汁，将啲薯蓉捞汁就更好
店内装潢……睇唔出系咩风格，一边墙有啲黑胶唱片，另一边墙就画咗啲食物，但全店都系卡位，坐得几舒服，而枱面就有啲图案色泽鲜艳嘅瓷砖。
以黑胶唱片装饰
全日特价餐，真系几抵，几十蚊咋。最贵嘅西冷牛扒套餐都只系$88
汉堡套餐，睇相就好大份，款式都唔少，加$25可以升级疯薯，饮品方面加$25仲可以饮英国手工啤酒等各种酒类。我地想叫双层安格斯芝士汉堡，店员温馨提示话呢个餐通常啲食客都系share食，因为几大份量。
仲有优惠加配: 每款套餐如果加配以下三样野其中一样都可以减＄20。
优惠加配我哋拣咗香浓龙虾忌廉汤，原价＄48，而家即系＄28。饮落味道不错，份量都多，佢叫「香浓」不过我觉得稍微稀咗啲。
而入面只有一只虾，不过只虾就食得出好新鲜爽口。
原来个套餐仲包每人两片蒜蓉包，蘸吓龙虾汤食又几好味。
白酒焗鲷鱼柳伴柠檬牛油汁配薯蓉＄68，已包是日餐汤（忌廉汤）、主菜、饮品。
鲷鱼柳好大块，下面仲有一大堆薯蓉，「埋住」西兰花同蕃茄，再下面就有好多白酒汁，将啲薯蓉捞汁就更好味~
汉堡套餐
双层安格斯芝士汉堡（ 14oz ) $128，已包黑醋沙律、原味薯条同埋饮品。
双层安格斯、双层芝士，再加上蕃茄片同鲜洋葱圈。成个汉堡包非常非常厚，正常人个口应该系唔可以成个食嘅。
童叟无欺，最厚系两块安格斯牛肉，而且牛肉味浓又juicy，食得出真系靓嘢。
餐饮跟苹果汁都系加5个大洋咋。
呢度嘅价钱系茶餐厅价钱，但啲嘢食真系大大份，餐厅叫BIGGER，真系冇改错名。引用苹果公司某一代电话嘅宣传语「Bigger and bigger」-「岂止于大」，呢度嘢食大大份，质素都相当唔错。特别系个汉堡套餐，若果加埋疯薯，两个人够食，而且味道相当不错，以后喺佐敦食饭又多个选择。
张贴
